విజయవాడ, మార్చి 7: ఎన్నికల్లో మద్యం, డబ్బు పంపిణీ వంటి అక్రమాలకు అడ్డుకట్టవేసేందుకు నిఘా యాప్‌ను రాష్ట్ర ప్రభుత్వం రూపొందించింది. సామాన్యులు సైతం ఎన్నికల్లో జరిగే అక్రమాలను ప్రభుత్వం దృష్టికి తీసుకువచ్చేందుకు ఈ యాప్‌ను రూపకల్పన చేసింది. తాడేపల్లిలోని సీఎం క్యాంప్ కార్యాలయంలో నిఘా యాప్‌ను ముఖ్యమంత్రి జగన్‌మోహన్ రెడ్డి శనివారం ఆవిష్కరించారు.

గుంటూరు, మార్చి 5: రాజధానికి రైతులు ఇచ్చిన భూముల్లో పేదలకు ఇళ్ల స్థలాలు ఇస్తామంటూ పేదల మధ్య ప్రభుత్వం విద్వేషాలను పెంచుతోందని తెలుగుదేశం పార్టీ జాతీయ అధ్యక్షుడు, ప్రతిపక్ష నేత నారా చంద్రబాబునాయుడు ఆగ్రహం వ్యక్తం చేశారు. మంగళగిరి సమీపంలోని తెలుగుదేశం పార్టీ జాతీయ కార్యాలయంలో సీపీఐ నేతలు రామకృష్ణ, ముప్పాళ్ల నాగేశ్వరరావు, హరినాథరెడ్డి గురువారం చంద్రబాబుతో సమావేశమయ్యారు.

చింతలపూడి/పోలవరం, మార్చి 5: ప్రపంచాన్ని గడగడలాడిస్తున్న కరోనా వ్యాధి పశ్చిమ గోదావరి జిల్లాలో ప్రకంపనలు రేపుతోంది. ఏ అనారోగ్యంతో ఆసుపత్రిలో చేరినా కరోనా అని ప్రచారం జరుగుతోంది. అలాగే ఇతర దేశాల నుండి వచ్చిన వారికి ఎటువంటి లక్షణాలు లేకపోయినా కరోనా లక్షణాలున్నాయని సందేహం వ్యక్తంచేస్తూ అధికార్లకు ఫిర్యాదుచేస్తున్నారు. అధికార్లు జరిపే పరిశీలనలో చివరకు ఏమీ లేదని తేలుతోంది.

విజయవాడ(సిటీ), మార్చి 5: అధికారంలోకి వచ్చిన నాటి నుండి పూర్తి రివర్స్‌లో పాలన చేస్తున్న సీఎం జగన్ ఆఖరికి బీసీ రిజర్వేషన్లలోనూ అదే పంథాను కొనసాగిస్తున్నారని టీడీపీ జాతీయ ప్రధాన కార్యదర్శి, మాజీ మంత్రి నారా లోకేష్ విమర్శించారు. బీసీ రిజర్వేషన్ల అంశంలోనూ రివర్స్ టెండరింగ్‌కు వెళ్లిన ఒకే ఒక్క నేత జగన్ మాత్రమేనంటూ గురువారం ట్విట్టర్‌లో లోకేష్ ఎద్దేవా చేశారు.