విజయనగరం, మార్చి 7: మాన్సాస్ ట్రస్ట్ చైర్మన్‌గా కొనసాగుతున్న తనకు నోటీసు ఇవ్వకుండానే రాత్రికి రాత్రి జీవో జారీ చేసి ఆ పదవిలో సంచయిత గజపతిరాజును నియమించడం వెనుక రాజకీయ కుట్ర ఉందని మాజీ కేంద్ర మంత్రి అశోక్‌గజపతిరాజు ఆరోపించారు. దీనిపై న్యాయపోరాట చేస్తామని ఆయన స్పష్టం చేశారు. శనివారం అశోక్‌బంగ్లాలో ఏర్పాటు చేసిన విలేఖరుల సమావేశంలో ఆయన మాట్లాడారు.

విజయవాడ, మార్చి 7: అక్రమ రవాణాకు గురైన బాధితులను సమాజంతోపాటు ప్రభుత్వాలు కూడా మహిళలుగా గుర్తించడం లేదని వారికి బాధితులుగా అందవలసిన హక్కులు కూడా వారికి అందించడంలో ప్రభుత్వాలు విఫలమవుతున్నాయని అక్రమ రవాణా బాధిత మహిళల ఫోరం ‘విముక్తి’ రాష్ట్ర కన్వీనర్ హసీనా ఆవేదన వెలిబుచ్చుతూ తమ ఆవేదనను అన్ని రాజకీయ పార్టీల మహిళా సంఘాల ప్రతినిధులు అర్థం చేసుకుని తమకు మద్దతు ఇవ్వాలని వేడుకున్నారు.

విజయవాడ(సిటీ), మార్చి 7: రాష్ట్ర వ్యాప్తంగా ఇంటర్మీడియట్ పరీక్షలు ప్రశాంత వాతావరణంలో కొనసాగుతున్నాయి. ఇంటర్ ద్వితీయ సంవత్సరం పరీక్షల్లో భాగంగా శనివారం అధికారులు ఇంగ్లీష్ - 2 పరీక్షను నిర్వహించారు. ఈ పరీక్ష కోసం అధికారులు 3వ నెంబర్ ప్రశ్నపత్రాల సెట్‌ను ఎంపిక చేశారు. మొత్తం 46,9425 మంది విద్యార్థులు శనివారం పరీక్షకు హాజరు కావాల్సి ఉండగా 11, 983 మంది గైర్హాజరయ్యారు.

విజయనగరం, మార్చి 7: ముఖ్యమంత్రి జగన్మోహన్‌రెడ్డి మరో 25 ఏళ్ళపాటు అధికారంలో ఉండాలంటే స్థానిక సంస్థల ఎన్నికల్లో వైసీపీ నేతలను గెలిపించుకోవాలని ఉత్తరాంధ్ర జోనల్ ఇన్‌చార్జి, వైసీపీ జాతీయ ప్రధాన కార్యదర్శి, ఎంపీ విజయసాయిరెడ్డి పార్టీ శ్రేణులకు పిలుపునిచ్చారు. శనివారం ఇక్కడ జగన్నాథ ఫంక్షన్ హాల్లో ఏర్పాటు చేసిన వైసీపీ జిల్లా విస్తృతస్థాయి సమావేశానికి ఆయన ముఖ్య అతిథిగా పాల్గొని, మాట్లాడారు.