రాజమహేంద్రవరం, మార్చి 8: ముఖ్యమంత్రి జగన్‌మోహన్‌రెడ్డి పోలవరం ప్రాజెక్టు సందర్శన అనంతరం పనుల కార్యాచరణపై మళ్లీ కసరత్తు మొదలైంది. పనుల ప్రణాళిక మొదటికొచ్చిన నేపథ్యంలో నిర్ణీత గడువుగా ప్రకటిస్తున్న రెండేళ్ల వ్యవధిలో పూర్తయ్యే పరిస్థితులు ఉన్నాయా అనే సందేహాలు వ్యక్తమవుతున్నాయి. అయితే వర్షాకాలం లోపు కాఫర్ డ్యామ్ పనులు ముందుకు కదిలే పరిస్థితి కన్పించడంలేదు.

విజయవాడ, మార్చి 8: రాజధానిగా అమరావతిని అభివృద్ధి చేస్తామంటేనే భూములు ఇచ్చామని, అమరావతి అభివృద్ధి కోసం, రాష్ట్ర శ్రేయస్సు కోసం తాము ప్రాణత్యాగానికైనా సిద్ధమని రాజధాని ప్రాంతానికి చెందిన మహిళలు పేర్కొన్నారు. అమరావతి పరిరక్షణ సమితి ఆధ్వర్యంలో మహిళా దినోత్సవం సందర్భంగా రాజధాని ప్రాంత మహిళా రైతులతో విజయవాడలోని ఓ హోటల్‌లో ఆదివారం సదస్సు జరిగింది.

గౌహతి, మార్చి 8: భారత్‌లో 2006లో 37 శాతం ఉన్న మహిళా కార్మికశక్తి 2019 నాటికి 18 శాతానికి పడిపోయిందని ఆజాద్ ఫౌండేషన్ అనే ఒక స్వచ్ఛంద సంస్థ అంతర్జాతీయ మహిళా దినోత్సవాన్ని పురస్కరించుకొని ఆదివారం నాడు వెల్లడించింది.

గుంటూరు, మార్చి 8: దిశ చట్టం రాష్ట్ర ప్రభుత్వ అసమర్థ విధానాల వల్ల ప్రచారానికే పరిమితమైందని తెలుగుదేశం పార్టీ రాష్ట్ర అధికార ప్రతినిధి పంచుమర్తి అనూరాధ విమర్శించారు. మంగళగిరి సమీపంలోని తెలుగుదేశం పార్టీ జాతీయ కార్యాలయంలో ఆదివారం జరిగిన విలేఖరుల సమావేశంలో ఆమె మాట్లాడుతూ వైసీపీ ప్రభుత్వ 9నెలల పాలనలో 180 అత్యాచారాలు జరిగినా బాధ్యులపై చర్యలు తీసుకోలేదని ఆరోపించారు.