విజయవాడ(సిటీ), మార్చి 9: దేశంలో దివాళా కోరు రాజకీయాలు చేయడం ఒక్క చంద్రబాబునాయుడికే చెల్లిందని వైసీపీ పార్లమెంటరీ పార్టీ నేత వీ విజయసాయిరెడ్డి విమర్శించారు. గత రెండు సంవత్సరాలుగా స్థానిక సంస్థల ఎన్నికలు జరగకుండా అడుగడుగునా అడ్డుపడుతున్నారని సోమవారం ట్విట్టర్‌లో విజయసాయిరెడ్డి ఆరోపించారు. రెండేళ్ల కిందట జరగాల్సిన స్థానిక ఎన్నికలకు అడ్డంకులు సృష్టించింది చంద్రబాబేనన్నారు.

విజయవాడ(సిటీ), మార్చి 9: ఉమ్మడి ఏపీతో పాటు ఇప్పటి నవ్యాంధ్రప్రదేశ్‌లో సామాజిక న్యాయం చేసిన పార్టీ ఒక్క టీడీపీ మాత్రమేనని ఆ పార్టీ జాతీయ అధ్యక్షుడు, ప్రతిపక్ష నేత చంద్రబాబు నాయుడు స్పష్టం చేశారు. అన్ని వర్గాల వారిని రాజ్యాధికారంలో భాగస్వాములను చేసిన ఘనత టీడీపీకే దక్కుతుందని సోమవారం ట్విట్టర్‌లో చంద్రబాబు పేర్కొన్నారు. టీడీపీ ఆవిర్భావం తరువాతే ఏపీలో సామాజిక న్యాయం వెల్లివిరిసిందన్నారు.

అమరావతి, మార్చి 9: రాజ్యసభ అభ్యర్థులుగా అధికార వైఎస్సార్ కాంగ్రెస్ పార్టీ అభ్యర్థుల పేర్లు ఖరారయ్యాయి. రిలయన్స్ అధినేత ముఖేష్ అంబానీ సన్నిహితుడు, జార్ఖండ్ నుంచి రాజ్యసభ సభ్యుడిగా వ్యవహరిస్తున్న పరిమళ్ నత్వానీతో పాటు రాష్ట్ర మత్స్యశాఖ మంత్రి మోపిదేవి వెంకటరమణ, రెవెన్యూ మంత్రి పిల్లి సుభాష్ చంద్రబోస్, పార్టీ నేత ఆళ్ల అయోధ్యరామిరెడ్డి పేర్లను సోమవారం పార్టీ అధిష్ఠానం ఖరారు చేసింది.

అమరావతి, మార్చి 9: ఉన్నత విద్యలో ప్రమాణాలు పాటించని కళాశాలలపై కఠిన చర్యలు తప్పవని ముఖ్యమంత్రి వైఎస్ జగన్‌మోహన్‌రెడ్డి హెచ్చరించారు. నాణ్యతా ప్రమాణాలతో విద్యాబోధన తప్పనిసరన్నారు. సోమవారం తాడేపల్లి క్యాంప్ కార్యాలయంలో ఉన్నత విద్యపై ముఖ్యమంత్రి సమీక్షా సమావేశం నిర్వహించారు. ఉన్నత విద్య రెగ్యులేటరీ అండ్ మానిటరింగ్ కమిషన్ కళాశాలల ఫీజులపై ప్రతిపాదనలను ఈ సందర్భంగా ముఖ్యమంత్రి ముందుంచింది.