హైదరాబాద్, మే 25: షిర్డీ సాయిబాబా దేవుడా? కాదా? అనే అంశంపై చర్చ అవసరం లేదని శ్రీపీఠం అధిపతి స్వామి పరిపూర్ణానంద పేర్కొన్నారు. పరిపూర్ణానంద తన శిష్యులతో కలిసి షిర్డీ వెళ్లారు. ఈ సందర్భంగా మీడియా ప్రతినిధులతో మాట్లాడుతూ, సాయిని కొంత మంది భగవంతుడిగా భావించి పూజిస్తే, మరికొంత మంది గురువుగా భావించి ఆరాధిస్తున్నారని పరిపూర్ణానంద గుర్తు చేశారు.

కామారెడ్డి, మే 25: టెన్త్, ఇంటర్ చదువులు పూర్తిచేసుకున్న పిల్లలను ఇంటర్, బిటెక్‌లలో చేర్పించేందుకు వెళ్తూ రెండు కుటుంబాల్లోని ఐదుగురు రోడ్డు ప్రమాదంలో అసువులు బాశారు. నిజామాబాద్ జిల్లా కామారెడ్డి మండలం టేక్రియాల్ వద్ద 44వ జాతీయ రహదారిపై ఉదయం 8.45కు ఈ ప్రమాదం సంభవించింది.

మహబూబ్‌నగర్, మే 25: గత మూడేళ్లుగా గుంపు మేస్ర్తీ చెరలో నరకాన్ని చవి చూసిన పాలమూరు కూలీలకు ఎట్టకేలకు విముక్తి లభించింది. కాంట్రాక్టర్ నిర్బంధం నుంచి తప్పించుకున్న కొందరు పోలీసులకు సమాచారం ఇవ్వడంతో డొంకంతా కదిలింది. మూడేళ్ల పాటు ఆడ, మగా, గర్భిణులన్న తేడా లేకుండా రాక్షసంగా ప్రవర్తించిన గుంపు మేస్ర్తీ కూడా అరెస్టయ్యాడు.

హైదరాబాద్, మే 25: రాజ్యసభకు ఎంపికచేసే అభ్యర్థులపై పాలకపక్షం తెరాసలో కసరత్తు తుది దశకు చేరుకున్నట్టు సమాచారం. మంగళవారం రాత్రి ఫామ్‌హౌస్‌కు చేరుకున్న సిఎం కె చంద్రశేఖర్‌రావు బుధవారం అక్కడి నుంచే పార్టీ ముఖ్యులు కొందరితో ఈ అంశంపై చర్చించినట్టు సమాచారం. ఫామ్ హౌస్ నుంచి హైదరాబాద్‌కు చేరుకోగానే పార్టీ ముఖ్యులు కొందరితో చర్చించిన తర్వాత సిఎం ప్రకటించడానికి రంగం సిద్ధమైనట్టు పార్టీ వర్గాల సమాచారం.