బెల్లంపల్లి, మే 26: కార్మిక క్షేత్రంగా అనేక పోరాటాలకు పురిటిగడ్డ అయిన ఆదిలాబాద్ జిల్లాలోని బెల్లంపల్లి నాడు సింగరేణి విధానాలతో చిన్నాభిన్నమైంది. ఇక్కడి ప్రజలు బొగ్గు గనుల మూసివేతతో చెల్లాచెదురయ్యారు. పట్టణ మనుగడ, అభివృద్ధి రాజకీయ నాయకులకు విలాస వస్తువులుగా, ఎమ్మెల్యేలుగా గెలుపొందిన వారికి జేబులో పెన్నుగా మారిపోయింది.

నిజామాబాద్, మే 26: రాజ్యసభలో సభ్యత్వాన్ని దక్కించుకుని జాతీయ రాజకీయాల్లో కొనసాగాలనే డి.శ్రీనివాస్ కల ఎట్టకేలకు తెరాస ద్వారా నెరవేరుతోంది. ఆయనకు రాజ్యసభ అభ్యర్థిత్వాన్ని ఖరారు చేస్తున్నట్టు తెరాస అధినేత, ముఖ్యమంత్రి కెసిఆర్ గురువారం ప్రకటించడంతో డిఎస్ అనుచరుల్లో హర్షాతిరేకాలు వ్యక్తమయ్యాయి.

హైదరాబాద్: తెలంగాణ ప్రభుత్వం ఆ మధ్య నిర్వహించిన సమగ్ర కుటుంబ సర్వేకు ‘లిమ్కా బుక్ ఆఫ్ రికార్డ్సు’లో స్థానం లభించింది. ఈ మేరకు లిమ్కా బుక్ ప్రతినిధులు తెలంగాణ సర్కారుకు ధ్రువీకరణ పత్రాన్ని పంపారు. సమగ్ర కుటుంబ సర్వే కింద 1.09 కోట్ల కుటుంబాల వివరాలను 4 లక్షల మంది ఉద్యోగులు సేకరించడం అరుదైన ఘనత అని వారు పేర్కొన్నారు.

హైదరాబాద్: తెలంగాణ నుంచి ఖాళీ అవుతున్న రెండు రాజ్యసభ స్థానాలకు తెరాస పార్టీ గురువారం అభ్యర్థులను ఖరారు చేసింది. మాజీ మంత్రి డి.శ్రీనివాస్, కెప్టెన్ లక్ష్మీకాంతరావులను రాజ్యసభకు పంపేందుకు తెరాస అధినేత, సిఎం కెసిఆర్ నిర్ణయించారు. రాష్టమ్రంత్రి తుమ్మల నాగేశ్వరరావు ఎమ్మెల్యేగా ఎన్నిక కావడంతో ఖాళీ అయిన ఎమ్మెల్సీ స్థానానికి ఫరీదుద్దీన్ అభ్యర్థిత్వాన్ని ఖరారు చేశారు.