హైదరాబాద్: తెలంగాణ ఎంసెట్ ఇంజినీరింగ్ విభాగంలో టాప్ టెన్ ర్యాంకర్ల వివరాలను డిప్యూటీ సిఎం కడియం శ్రీహరి గురువారం ప్రకటించారు. ఇంజినీరింగ్ విభాగంలో మొదటి పది ర్యాంకుల్లో అబ్బాయిల హవా కొనసాగింది. ఇంజినీరింగ్‌, వ్యవసాయ సంబంధ కోర్సులకు సంబంధించి మాత్రమే ఫలితాలు విడుదల చేస్తున్నట్లు కడియం శ్రీహరి వెల్లడించారు. అభ్యర్థులు జూన్‌ 6 నుంచి ర్యాంక్‌ కార్డులు డౌన్‌లోడ్‌ చేసుకోవచ్చని తెలిపారు.

హైదరాబాద్: తెలంగాణ ఎంసెట్‌లో ఇంజినీరింగ్‌కు సంబంధించి ఫలితాలను ఉప ముఖ్యమంత్రి కడియం శ్రీహరి గురువారం విడుదల చేశారు. ఈ పరీక్షలో 77.88 శాతం మంది ఉత్తీర్ణులయ్యారు. టి.ఎంసెట్‌కు మొత్తం 2,46,540 మంది దరఖాస్తు చేసుకోగా, ఇంజినీరింగ్‌కు 1,33,488 మంది, మెడికల్‌కు 90,114 మంది హాజరయ్యారు.

హైదరాబాద్, మే 25: బలమైన ఈదురుగాలులు, ఉరుములు, మెరుపులతో కూడిన చిరుజల్లులు బుధవారం మహానగరాన్ని మరోసారి వణికించాయి. ఉదయం నుంచి ఎండ బాగా మండిపోయి సాయంత్రం అయిదుగంటల తర్వాత ఒక్కసారి ఆకాశం మేఘావృతమై బలమైన గాలులతో వర్షం కురిసింది. కొద్ది సేపే కురిసినా, అపుడే ఆఫీసుల నుంచి ఇంటికెళ్లేందుకు బయటకొచ్చి బస్టాపుల్లో వేచి ఉన్న ప్రయాణికులు, రోడ్డుపై ప్రయాణిస్తున్న వారు బలమైన గాలులతో భయానికి గురయ్యారు.

హైదరాబాద్, మే 25 : రైతులకు చేయూత ఇచ్చేందుకు డాక్టర్ వైఎస్ రాజశేఖరరెడ్డి హయాంలో రూపొందించిన వడ్డీలేని రుణాలు, పావలావడ్డీపై రుణాల పథకం 2016-17 సంవత్సరంలో కూడా కొనసాగించాలని తెలంగాణ రాష్ట్ర ప్రభుత్వం నిర్ణయించింది. లక్ష రూపాయలలోపుగా పంట రుణాలు తీసుకునే రైతులు వడ్డీ చెల్లించాల్సిన అవసరం లేకుండా వారి తరపున ప్రభుత్వమే వడ్డీ చెల్లిస్తుంది.