హైదరాబాద్: తెలంగాణ ప్రభుత్వ ప్రత్యేక సలహాదారు పదవికి మాజీ మంత్రి డి.శ్రీనివాస్ శనివారం రాజీనామా చేశారు. రాజ్యసభ సీటుకు తెరాస అధిష్ఠానం తనను ఎంపిక చేయడంతో ఆయన సలహాదారు పదవిని వదులుకున్నారు. తన రాజీనామా లేఖను సిఎం కెసిఆర్‌కు పంపారు. ఎంపీగా తెలంగాణ ప్రజల కోసం దిల్లీలో పనిచేసేందుకు అవకాశం కల్పించినందుకు కెసిఆర్‌కు ఆయన కృతజ్ఞతలు తెలిపారు.

హైదరాబాద్, మే 27: సికింద్రాబాద్ కంటోనె్మంట్‌లో ఒక దారిని మూసివేయాలని తీసుకున్న నిర్ణయాన్ని రక్షణ శాఖ తాత్కాలికంగా వాయిదా వేసుకుంది. కంటోనె్మంట్‌లో దారి మూయడం వల్ల స్థానికులు ఇబ్బంది పడుతారని ముఖ్యమంత్రి కె చంద్రశేఖర్‌రావు ఇదివరకే రక్షణశాఖకు లేఖ రాసిన విషయం తెలిసిందే.

హైదరాబాద్, మే 27: ఈ నెలాఖరున పదవీ విరమణ పొందనున్న ప్రభుత్వ ప్రధాన కార్యదర్శి రాజీవ్ శర్మ పదవీకాలాన్ని మరో మూడు నెలలపాటు పొడిగించినట్టు కేంద్ర ప్రభుత్వం నుంచి రాష్ట్రానికి శుక్రవారం ఉత్తర్వులు అందాయి. కేంద్ర మంత్రిత్వశాఖ డిపార్టుమెంట్ ఆఫ్ పర్సనల్ అండ్ ట్రైనింగ్ (డివోపిటి) నుంచి ఈ ఉత్తర్వులు ప్రభుత్వ ప్రధాన కార్యదర్శి రాజీవ్ శర్మకు అందాయి.

నిజామాబాద్, మే 27:కేంద్ర ప్రభుత్వం నిధులు ఇస్తున్నా, ఇవ్వడం లేదంటూ తెలంగాణ ముఖ్యమంత్రి అబద్ధాలు చెబుతున్నారని కేంద్ర రసాయనాలు, ఎరువుల శాఖ సహాయ మంత్రి హన్స్‌రాజ్ గంగారామ్ అహిర్ విమర్శించారు. కేంద్ర ప్రభుత్వం తెలంగాణకు అన్ని రకాలుగా సాయం అందజేస్తోందని, అయినా నిధులు ఇవ్వడం లేదని తప్పుడు ప్రచారం చేయడం మంచి పద్ధతి కాదని అన్నారు.