లండన్, డిసెంబర్ 9: గత నెల 28న జరిగిన టైటిల్ పోరులో డిఫెండింగ్ చాంపియన్ వ్లాదిమీర్ క్లిచ్కోను ఓడించిన బ్రిటిష్ హెవీవెయిట్ బాక్సింగ్ చాంపియన్ టైసన్ ఫ్యూరీ తనకు లభించిన బెల్ట్స్‌లో ఒకదానిని కోల్పోనున్నాడు. క్లిచ్కోపై సంచలన విజయాన్ని నమోదు చేసిన అతనికి డబ్ల్యుబిఎ, ఐబిఎప్, ఐబిఓ, డబ్ల్యుబివో బెల్ట్‌లు లభించాయి.

రాంచీ, డిసెంబర్ 8: టి-20, వనే్డ ఫార్మెట్స్‌లో భారత జట్టుకు నాయకత్వం వహిస్తున్న మహేంద్ర సింగ్ ధోనీ ఈనెల 10 నుంచి 18వ తేదీ వరకూ జరిగే విజయ్ హజారే ట్రోఫీ క్రికెట్ టోర్నమెంట్‌లో వరుణ్ ఆరోన్ కెప్టెన్సీలో మ్యాచ్‌లు ఆడనున్నాడు. ఈ టోర్నీలో పాల్గొనే 15 మంది సభ్యులతో కూడిన జార్ఖండ్ జట్టులో ధోనీని చేర్చారు.

లండన్, డిసెంబర్ 8: పాకిస్తాన్‌తో ద్వైపాక్షిక సిరీస్ ఆడడం భారత క్రికెట్ నియంత్రణ బోర్డు (బిసిసిఐ) ఇష్టాయిష్టాలపై ఆధారపడి ఉందని, తప్పకుండా ఆడి తీరాలన్న నిబంధన ఏదీ లేదని ఇంగ్లాండ్ మాజీ కెప్టెన్ జెఫ్ బాయ్‌కాట్ వ్యంగ్యాస్త్రాలు విసిరాడు. ప్రపంచంలోనే అత్యధిక ఆదాయ వనరులున్న క్రికెట్ బోర్డుగా ఎదిగింది కాబట్టి బిసిసిఐ చెప్పిందే ఇప్పుడు ప్రపంచ క్రికెట్‌లో శాసనమవుతుందని వ్యాఖ్యానించాడు.

దుబాయ్, డిసెంబర్ 8: ప్రపంచ బాడ్మింటన్ సమాఖ్య (డబ్ల్యుబిఎఫ్) ప్రతి సంవత్సరం ఉత్తమ క్రీడాకారులకు ఇచ్చే అవార్డు మహిళల విభాగంలో కరోలినా మారిన్‌కు దక్కింది. భారత స్టార్ షట్లర్ సైనా నెహ్వాల్ తీవ్రంగా పోటీపడినప్పటికీ, అవార్డును మారిన్ ఎగరేసుకుపోయంది. ఈ ఏడాది సైనా నెహ్వాల్ నిలకడగా రాణించడంతో పాటు ప్రపంచ ర్యాంకింగ్స్‌లో కొంత కాలం అగ్రస్థానంలో నిలువడంతో ఆమె ఈ అవార్డుకు నామినేట్ అయింది.