మెల్బోర్న్, డిసెంబర్ 16: ఆస్ట్రేలియా స్పిన్ లెజెండ్ షేన్ వార్న్ ఎంపిక చేసిన భారత అత్యుత్తమ టెస్టు జట్టులో సచిన్ తెండూల్కర్‌కు స్థానం లభించింది. మొత్తం 11 మంది భారత క్రికెటర్ల పేర్లను పేర్కొన్న వార్న్ 12వ ఆటగాడిగా వివిఎస్ లక్ష్మణ్ పేరును ఖాయం చేశాడు. సచిన్‌కు ఎలెవెన్‌లో చోటు కల్పించినప్పటికీ, అతనిని నాలుగో స్థానానికి నెట్టేసిన వార్న్ అందరినీ ఆశ్చర్యానికి గురి చేశాడు.

ముంబయి, డిసెంబర్ 15: తొమ్మిదో ఐపిఎల్‌లో కొత్తగా వచ్చి చేరిన రాజ్‌కోట్ జట్టుకు నాయకత్వం వహించే అవకాశం కోసం సురేష్ రైనా, బ్రెండన్ మెక్‌కలమ్ మధ్య తీవ్రమైన పోటీ నెలకొంది. మహేంద్ర సింగ్ ధోనీని కొనుగోలు చేసిన మరో కొత్త జట్టు పుణె అతనినే కెప్టెన్‌గా నియమించడం ఖాయంగా కనిపిస్తున్నది. అయితే, రాజ్‌కోట్‌లోనే సారథ్య బాధ్యతలు ఎవరికి దక్కుతాయన్నదని ఉత్కంఠ రేపుతున్నది.

ముంబయి, డిసెంబర్ 15: ఐపిఎల్ డ్రాఫ్ట్‌లో పాల్గొన్న రాజ్‌కోట్, పుణె జట్టు చెరి ఐదుగురు ఆటగాళ్లను 39 కోట్ల రూపాయలు వెచ్చించి కొనుగోలు చేశాయి. నిబంధనలను అనుసరించి ఈ జట్ల వద్ద చెరి 27 కోట్ల రూపాయలు ఉంటాయి. ఈ మొత్తంతోనే వారు ఫిబ్రవరి 6న జరిగే సాధారణ వేలంలో ఆటగాళ్లను కొనాల్సి ఉంటుంది. వచ్చే ఏడాది ఏప్రిల్ 9 నుంచి మే 29 వరకు తొమ్మిదో ఐపిఎల్ టోర్నీ జరుగుతుంది.

డ్యునెడిన్, డిసెంబర్ 14: శ్రీలంకతో జరిగిన మొదటి టెస్టు మ్యాచ్‌ని న్యూజిలాండ్ 122 పరుగుల భారీ తేడాతో సొంతం చేసుకుంది. మ్యాచ్ నాలుగోరోజు, ఆదివారం ఆటకు వర్షం కారణంగా అంతరాయం ఏర్పడగా, చివరి రోజున అదే పరిస్థితి ఉంటుందేమోనని ఆశించిన లంకకు నిరాశ తప్పలేదు. 405 పరుగుల భారీ లక్ష్యాన్ని ఛేదించేందుకు రెండో ఇన్నింగ్స్ ఆరంభించిన లంక ఆదివారం ఆట ముగిసే సమయానికి మూడు వికెట్లు కోల్పోయి 109 పరుగులు చేసింది.