అమరావతి: స్థానిక సంస్థల ఎన్నికలు పూర్తిచేస్తేనే కరోనా లాంటి వ్యాధులను అరికట్టటం సులభతరం అవుతుందని ముఖ్యమంత్రి వైఎస్ జగన్మోహన్‌రెడ్డి స్పష్టం చేశారు. అధికారంలోకి వచ్చిన 9నెలల కాలంలో ఆదివారం తాడేపల్లి క్యాంప్ కార్యాలయంలో తొలిసారి ఆయన విలేఖరుల సమావేశం నిర్వహించారు. ఈ పరిస్థితుల్లో మీడియా సమావేశం బాధాకరంగా ఉందని సీఎం జగన్ ఆవేదన వ్యక్తం చేశారు. రాష్ట్ర ప్రజలు చింతించాల్సి వస్తోందన్నారు.

అమరావతి, మార్చి 15: పారిశ్రామిక రంగ అభివృద్ధికి దోహదపడే ఐఎస్‌ఓ - 50001: 2018 ఇంధన ప్రమాణాలు రాష్ట్రంలో సమర్థవంతంగా అమలు చేసేందుకు సహకరిస్తామని ఏపీ ఎలక్ట్రిసిటీ రెగ్యులేటరీ కమిషన్ (ఏపీఈఆర్‌సీ) స్పష్టం చేసింది. ఈ నూతన ప్రమాణాల అమలుతో పరిశ్రమల్లో విద్యుత్ వినియోగ సమర్థత పెరగటంతో పాటు వృథాను నియంత్రించటం, అంతిమంగా సుస్థిర అభివృద్ధి సాధించేందుకు దోహదపడుతుందని భావిస్తున్నారు.

విజయవాడ, మార్చి 15: కరోనా వైరస్ వ్యాపిస్తోందనే కారణంతో రాష్ట్రంలో స్థానిక సంస్థల ఎన్నికలన్నీ ఆరు వారాలు వాయిదా వేస్తూ రాష్ట్ర ఎన్నికల కమిషనర్ నిర్ణయం తీసుకున్నారు. ఎంపీటీసీ, జెడ్పీటీసీ ఎన్నికలు ఈ నెల 21న జరగాల్సి ఉండగా 19న సాయంత్రానికి ప్రచారం ముగియాల్సి ఉంది.

గుంటూరు, మార్చి 14: రాష్ట్రంలో పోలీసు టెర్రరిజం యథేచ్ఛగా కొనసాగుతోందని, పోలీసులే టెర్రరిజానికి పాల్పడితే రాష్ట్రం అగ్నిగుండంగా మారే ప్రమాదం ఉందని తెలుగుదేశం పార్టీ అధ్యక్షుడు, ప్రతిపక్ష నేత నారా చంద్రబాబునాయుడు ఆందోళన వ్యక్తం చేశారు. స్థానక ఎన్నికల్లో ప్రతిపక్ష అభ్యర్థుల నామినేషన్లను ఎన్ని విధాలుగా అడ్డుకోవాలో అన్ని విధాలుగానూ అడ్డుకుంటున్నారన్నారు.