హైదరాబాద్, ఏప్రిల్ 19: ఇందిరమ్మ ఇళ్ల పథకం కింద గత ప్రభుత్వ హయాంలో ఎంపికైన లబ్ధిదారుల పరిస్థితి రెంటికి చెడ్డ రేవడిలా తయారైంది. ఇళ్లులేని నిరుపేదలకు గత ప్రభుత్వ హయాంలో ఇందిరమ్మ ఇళ్లు మంజూరయ్యాయి. ఇంటి నిర్మాణ దశలకు అనుగుణంగా ప్రభుత్వం వీటికి ఆర్థిక సహాయం చేయడం ఇందిరమ్మ ఇళ్ల పథకం లక్ష్యం. అయితే గత ప్రభుత్వ హయాంలో సకాలంలో నిధులు విడుదల కాకపోవడం వల్ల ఇవీ పూర్తికాకుండా అసంపూర్తిగా మిగిలిపోయా యి.

హైదరాబాద్: అక్రమాలు జరుగుతున్నాయన్న నెపంతో తెలంగాణలో ప్రైవేటు విద్యాసంస్థల్లో పోలీసుల చేత తనిఖీలు చేయించడం సరికాదని సిపిఐ నేత నారాయణ అన్నారు. విద్యాసంస్థల్లోకి పోలీసులు రావడంతో పిల్లలు భయపడుతున్నారన్నారు. ఫీజు రీయింబర్స్‌మెంటు పథకంలో లొసుగులు జరిగితే పోలీసులకు బదులు విద్యాశాఖ అధికారులు తనిఖీలు చేయవచ్చన్నారు.

హైదరాబాద్: నగరంలో మరో పది మురుగునీటి శుద్ధి ప్రాజెక్టులను ప్రారంభించనున్నట్లు తెలంగాణ మున్సిపల్, ఐటి శాఖల మంత్రి కెటిఆర్ చెప్పారు. ఆయన మంగళవారం హుస్సేన్‌సాగర్ వద్ద ఆధునిక మురుగుశుద్ధి యంత్రాన్ని ప్రారంభించారు. హుస్సేన్‌సాగర్, మూసీ నది ప్రక్షాళనకు ఎన్ని నిధులైనా కేటాయిస్తామన్నారు. వర్షాకాలంలోగా పూడికతీత పనులు పూర్తి చేస్తామన్నారు.

హైదరాబాద్: హైదరాబాద్ నగరంలో ఓ మహిళ ఫుట్‌పాత్‌పై ఓ మహిళ ప్రసవించింది. నారాయణగూడలో శాంతి థియేటర్ వద్ద మంగళవారం ఓ మహిళకు పురిటినొప్పులు ప్రారంభం కావడంతో సమీపంలో ఉన్న మహిళా పోలీసులుప్రసవానికి తాత్కాలిక ఏర్పాట్లు చేయడంతో పండంటి బిడ్డను ప్రసవించింది. ఆ తర్వాత తల్లి, బిడ్డను కోటిలోని ప్రభుత్వ ప్రసూతి ఆస్పత్రికి తరలించారు. పుట్‌పాత్‌పై ప్రసవించిన మహిళ యాచకురాలని తెలిసింది.