న్యూఢిల్లీ, మార్చి 11: ఈనెల 4వ తేదీనాటికి ఎంపీ ల్యాడ్స్ కింద అందజేసిన మొత్తంలో వినియోగించని నిధులు 5,275.24 కోట్ల రూపాయలని కేంద్ర మంత్రి రావు ఇందర్‌జిత్ సింగ్ లోక్‌సభలో తెలిపారు. ఓ ప్రశ్నకు ఆయన లిఖితపూర్వక సమాధానం ఇస్తూ ఎంపీ ల్యాడ్స్ కింద ప్రభుత్వం 53,704.75 కోట్ల రూపాయలు విడుదల చేసిందని చెప్పారు.

న్యూఢిల్లీ: మధ్య ప్రదేశ్‌లో రాజకీయాలు మలుపులు తిప్పి చివరకు కాంగ్రెస్‌కు గుడ్ బై చెప్పిన జ్యోతిరాదిత్య సింధియా ఈ నెల 12న బీజేపీలో చేరేందుకు రంగం సిద్ధమైంది. అంతేకాదు ఆ మర్నాడే బీజేపీ తరఫున రాజ్యసభకూ నామినేషన్ దాఖలు చేసేందుకు ఆ పార్టీ అధినాయకత్వం గ్రీన్ సిగ్నల్ ఇచ్చింది.

లక్నో, మార్చి 10: ఉత్తరప్రదేశ్‌లో సీఏఏ వ్యతిరేక ఉద్యమంలో పాల్గొన్న వారి పేర్లతో రాజధాని కూడళ్లలో ఏర్పాటు చేసిన పోస్టర్లను తక్షణం తొలగించాలని అలహాబాద్ హైకోర్టు ఇచ్చిన తీర్పుపై ఏం చేయాలన్నదానిపై ప్రభుత్వం ఆలోచిస్తోంది. హైకోర్టు తీర్పుపై సుప్రీం కోర్టును ఆశ్రయించాలా వద్దా అన్నదానిపై ఇప్పటికైతే ఎలాంటి నిర్ణయం తీసుకోలేదు.

న్యూఢిల్లీ, మార్చి 10: ఏఐసీసీ అధ్యక్షురాలు సోనియా గాంధీ, ఆ పార్టీ నాయకుడు రాహుల్ గాంధీ నాయకత్వం పట్ల సొంత పార్టీ యువతకే విశ్వాసం లేదని బీజేపీ జాతీయ అధికార ప్రతినిధి షానవాజ్ హుస్సేన్ అన్నారు. కాంగ్రెస్ నాయకుడు జ్యోతిరాదిత్య సింధియా ఆ పార్టీకి రాజీనామా చేయడమే ఇందుకు ఉదాహరణ అని హుస్సేన్ మంగళవారం విలేఖరులతో మాట్లాడుతూ చెప్పారు. సింధియా విలువలతో కూడిన గౌరవప్రదమైన నాయకుడని ఆయన తెలిపారు.