చిత్రకూట్ (ఉత్తరప్రదేశ్), ఫిబ్రవరి 29: దేశంలోని అత్యంత వెనుకబడిన ప్రాంతంగా భావిస్తున్న ఉత్తరప్రదేశ్‌లోని బుందేల్‌ఖండ్ దశ తిరగబోతోందని ప్రధాని నరేంద్ర మోదీ శనివారంనాడు ఇక్కడ ప్రకటించారు. 296 కిలోమీటర్ల బుందేల్‌ఖండ్ ఎక్స్‌ప్రెస్ వేకు శంకుస్థాపన చేసిన సందర్భంగా మాట్లాడిన మోదీ ‘15వేల కోట్లతో ఈ ఎక్స్‌ప్రెస్ వేను నిర్మిస్తున్నాం. దీనివల్ల ఈ ప్రాంతం ఎంతగానో అభివృద్ధి చెందుతుంది’ అని తెలిపారు.

న్యూఢిల్లీ, ఫిబ్రవరి 29: అల్లర్లతో అట్టుడికిన ఈశాన్య ఢిల్లీ ప్రాంతం రెండో రోజైన శనివారం మరింతగా కోలుకుంది. ఓపక్క శాంతి యాత్రలు, పోలీసుల కవాతు నేపథ్యంలో భయాన్ని వీడి జనం బయటకు వస్తున్నారు. గత ఐదు రోజులుగా బయటకి రావాలంటేనే తల్లడిల్లిన ప్రజలు శనివారం ధైర్యంగా వీధుల్లోకి వచ్చి నిత్యావసరాలను కొనుగోలు చేశారు. మందుల షాపులు, పచారీ దుకాణాలకు జనం రద్దీ మొదలైంది.

కోల్‌కతా, ఫిబ్రవరి 29: పౌరసత్వ సవరణ చట్టం (సీఏఏ)కు వ్యతిరేకంగా నిర్వహించిన ప్రకటనల ప్రచారానికి ప్రజాధనాన్ని దుర్వినియోగం చేసినట్టు వచ్చిన ఆరోపణలపై సమాచారం ఇవ్వవలసిందిగా పశ్చిమబెంగాల్ రాష్ట్ర ప్రభుత్వాన్ని ఆ రాష్ట్ర గవర్నర్ జగ్‌దీప్ ధన్‌కర్ కోరారు. అలాగే, ఈ ప్రకటనల కార్యక్రమానికి అనుమతి ఇచ్చిన అధికారుల వివరాలు కూడా తెలియజేయాల్సిందిగా ఆయన కోరారు. అధికార వర్గాలు శనివారం నాడిక్కడ ఈ విషయం తెలిపాయి.

సీతాపూర్ (యూపీ), ఫిబ్రవరి 29: ‘జైలులో నా పట్ల ఉగ్రవాది తరహాలో అమానవీయంగా ప్రవర్తించారు’ అని సమాజ్‌వాది పార్టీ ఎంపీ ఆజం ఖాన్ ఆరోపించారు. శనివారం ఉదయం ఆజం ఖాన్‌ను సీతాపూర్ జైలు నుంచి రాంపూర్ కోర్టుకు పోలీసు వ్యానులో తరలించారు. ఖాన్ భార్య ఎమ్మెల్యే తంజన్ ఫాతిమా, ఎమ్మెల్యేగా అనర్హత వేటు పడిన అబ్దుల్లా ఆజంను మరో కేసులో రాంపూర్ కోర్టుకు తీసుకెళ్ళారు.