అలహాబాద్, జూన్ 11: అత్యంత కీలకమైన ఉత్తరప్రదేశ్ అసెంబ్లీ ఎన్నికల్లో విజయమే లక్ష్యంగా బిజెపి జాతీయ కార్యవర్గం ఆదివారం నుంచి రెండు రోజులపాటు ఇక్కడ సమావేశం కానుంది, ప్రధాని నరేంద్ర మోదీ, అధ్యక్షుడు అమిత్ షాతో పాటు కేంద్ర మంత్రులు, బిజెపి పాలిత రాష్ట్రాల ముఖ్యమంత్రులు, పార్లమెంటు సభ్యులు ఈ సమావేశంలో పాల్గొంటారు.

న్యూఢిల్లీ, జూన్ 11: అసోం ముఖ్యమంత్రి శర్బానంద సోనోవాల్ శనివారం ఇక్కడ ప్రధానమంత్రి నరేంద్ర మోదీతో భేటీ అయ్యారు. ప్రమాదకర స్థితిలో ఉన్న రాష్ట్ర ఆర్థిక పరిస్థితిని చక్కదిద్దడానికి సహకరించాల్సిందిగా అభ్యర్థించారు. సుమారు 20 నిమిషాల సేపు సాగిన ఈ భేటీలో సోనోవాల్ రాష్ట్రంలో కొత్తగా ఏర్పడిన బిజెపి నేతృత్వంలోని ప్రభుత్వం చేపట్టిన వివిధ అభివృద్ధి కార్యక్రమాలను ప్రధానికి వివరించారు.

న్యూఢిల్లీ, జూన్ 11: మరాఠా వీరుడు ఛత్రపతి శివాజీ వారసుడు శంభాజీ రాజేను కేంద్ర ప్రభుత్వం రాజ్యసభకు నామినేట్ చేసింది. మరాఠా చక్రవర్తి శివాజీ, కొల్హాపూర్ కు చెందిన రాజర్షి షాహు ఛత్రపతి మహరాజ్‌ల కుటుంబ సభ్యుడైన శంభాజీ దళిత ఆశాజ్యోతి బి. ఆర్ అంబేడ్కర్ ప్రారంభించిన సామాజిక న్యాయ ఉద్యమానికి కొంతకాలం పాటు నిధులు అందించారు.

న్యూఢిల్లీ, జూన్ 11: జెఎన్‌యు విద్యార్థి సంఘం నాయకుడు కన్హయ్య కుమార్, మరో ఇద్దరు నేతలపై దేవద్రోహం కేసు నమోదుకు దారి తీసిన గత ఫిబ్రవరి 9న యూనివర్శిటీలో జరిగిన కార్యక్రమానికి సంబంధించిన ఎడిటింగ్ చేయని వీడియో దృశ్యాలు నిజమైనవేనని సిబిఐ ఫోరెన్సిక్ ల్యాబ్ పేర్కొన్నదని పోలీసులు శనివారం చెప్పారు.