న్యూఢిల్లీ: ప్రధాని మోదీ ఇటీవల జరిపిన ఆఫ్ఘనిస్థాన్, ఖతర్, స్విట్జర్లాండ్, అమెరికా, మెక్సికో దేశాల పర్యటనలను కూడా కాంగ్రెస్ పార్టీ తీవ్రంగా తప్పుబట్టింది. మోదీ విదేశీ పర్యటనలవల్ల దేశానికి కలిగిన ప్రయోజనాలు ఏంటో చెప్పాలని కాంగ్రెస్ పార్టీ అధికార ప్రతినిధి మనీశ్ తివారి అన్నారు.

దిల్లీ: డానిష్ దేశానికి చెందిన మహిళపై సామూహిక అత్యాచారానికి పాల్పడిన నిందితుల్లో అయిదుగురికి యావజ్జీవ జైలుశిక్ష విధిస్తూ దిల్లీ హైకోర్టు శుక్రవారం తీర్పు ఇచ్చింది. మరో నిందితుడు కేసు విచారణ సమయంలో మరణించాడు. ఇదే కేసులో ముగ్గురు బాలనేరస్తులపై అభియోగాలను జువైనల్ కోర్టు విచారిస్తోంది. 2014లో దిల్లీలో 52 ఏళ్ల డానిష్ మహిళను కిడ్నాప్ చేసి సామూహిక అత్యాచారం చేసినట్లు కేసు దాఖలైంది.

దిల్లీ: స్థానికత దస్త్రంపై రాష్ట్రపతి ప్రణబ్‌ముఖర్జీ శుక్రవారం ఆమోద ముద్రవేశారు. తెలంగాణ నుంచి ఆంధ్రప్రదేశ్‌కు తరలివెళ్లే పిల్లలకు స్థానికత కల్పించే అంశం ఎట్టకేలకు కొలిక్కి వచ్చింది. 2017 జూన్‌ 2 నాటికి ఆంధ్రప్రదేశ్‌కు తరలివచ్చే వారి పిల్లలకు వారు కోరుకున్న జిల్లాలో స్థానికత కల్పించేలా రాష్ట్రపతి ఉత్తర్వులు సవరించాలని కోరుతూ ఆంధ్రప్రదేశ్‌ ప్రభుత్వం గతేడాది కేంద్ర ప్రభుత్వానికి లేఖ రాసింది.

న్యూఢిల్లీ, జూన్ 9: ప్రధాన మంత్రి నరేంద్ర మోదీ నాయకత్వంలోని ఎన్‌డిఏ సంకీర్ణ ప్రభుత్వం రెండేళ్లలో సాధించించింది తక్కువ, ప్రచారం ఎక్కువ అని సిపిఎం ప్రధాన కార్యదర్శి సీతారాం ఏచూరి దుయ్యబట్టారు.