దిల్లీ: యుపిలోని మథుర వద్ద ఇటీవల జరిగిన హింసాకాండపై సిబిఐ దర్యాప్తుకు ఆదేశించాలని దాఖలైన ప్రజాప్రయోజన వ్యాజ్యాన్ని (పిల్) సుప్రీం కోర్టు మంగళవారం త్రోసిపుచ్చింది. అశ్విని ఉపాధ్యాయ అనే న్యాయవాది దాఖలు చేసిన పిటిషన్‌పై సుప్రీంలోని వెకేషన్ బెంచి న్యాయమూర్తులు విచారణ జరిపారు. ఈ విషయం ఇప్పటికే అలహాబాద్ హైకోర్టు పరిధిలో ఉన్నందున సిబిఐ విచారణకు తాము ఆదేశించలేమని బెంచ్ స్పష్టం చేసింది.

ముంబయి: ఆర్‌బిఐ కీలక వడ్డీరేట్లు యథాతథంగా ఉంటాయని ఆ సంస్థ గవర్నర్ రఘురాం రాజన్ మంగళవారం మీడియా సమావేశంలో ప్రకటించారు. ఆర్‌బిఐ ద్రవ్యపరపతి విధాన సమీక్ష వివరాలను ఆయన వెల్లడించారు. రెపోరేటు 6.5శాతం, రివర్స్‌ రెపో రేటు 6.5శాతం యథాతథంగా ఉంచారు. సీఆర్‌ఆర్‌ 4శాతంలో కూడా ఎలాంటి మార్పులేదు.

ముంబయి, జూన్ 6: దేశవ్యాప్తంగా సంచలనం సృష్టించిన షీనాబోరా హత్యకేసు కొత్త మలుపుతిరిగింది. ప్రధాన నిందితురాలు ఇంద్రాణి ముఖర్జియా మాజీ కారు డ్రైవర్ శ్యామవర్ రాయ్ తాను అప్రూవర్‌గా మారతానని ప్రత్యేక కోర్టుకు తెలిపిన సంగతి తెలిసిందే. దీంతో రాయ్ అప్రూవర్‌గా మారితే తమకు ఎలాంటి అభ్యంతరం లేదని సిబిఐ స్పష్టం చేసింది. ‘ఇంద్రాణి మాజీ డ్రైవర్ శ్యామవర్ రాయ్ అప్రూవర్‌గా మారితే మరిన్ని వాస్తవాలు వెలుగుచూస్తాయి.

న్యూఢిల్లీ, జూన్ 6: ఢిల్లీలోని యమునా నడి ఒడ్డున నిర్వహించిన ఒక అంతర్జాతీయ కార్యక్రమంలో అక్కడ జీవవైవిధ్యానికి నష్టం కలిగిందన్న ఆరోపణల నేపథ్యంలో పరిహారంగా మిగిలిన నాలుగు కోట్ల 75లక్షల రూపాయలను ఆర్ట్ ఆఫ్ లివింగ్ ఫౌండేషన్ చెల్లించింది. జాతీయ గ్రీన్ ట్రిబ్యునల్ (ఎన్‌జిటి) ఆదేశం మేరకు ఈ మొత్తాన్ని ఢిల్లీ అభివృద్ధి అథారిటీ (డిడిఏ) వద్ద డిపాజిట్ చేసింది.