న్యూఢిల్లీ, జూన్ 6: నిలువ నీడలేని పేదలకు ధార్మిక సంస్థలు పట్టెడన్నం పెట్టడం, బట్టలివ్వడం, ఆశ్రయం కల్పించడం చూస్తుంటాం. కాని, ఢిల్లీలోని మానవతా దృక్పథం కలిగిన ఒక స్వచ్ఛంద సంస్థ ఓ అడుగు ముందుకేసి అలాంటి అభాగ్యులకు పుస్తక పఠనానికి అవకాశం కల్పించడం ద్వారా వారిలో విజ్ఞానాన్ని, వికాసాన్ని పెంపొందించడానికి నడుం కట్టింది.

న్యూఢిల్లీ, జూన్ 6: తెలుగు రాష్ట్రాలు రెండూ విభజన చట్టం ప్రకారమే నడుచుకోవాలని, కృష్ణా జలాల పంపకాలు కేటాయింపుల ప్రకారం సాగాలని కేంద్ర జలవనరుల మంత్రి ఉమాభారతి స్పష్టం చేశారు. ఈమేరకు బోర్డు అధికారులకు టెలిఫోన్‌లో ఆదేశాలిస్తూ, తెలంగాణ, ఆంధ్రకు దేనికీ నష్టం వాటిల్లకుండా వ్యవహరించాలని సూచించారు. ఒక రాష్ట్రం పట్ల పక్షపాతంతో వ్యవహరించటం ఎంతమాత్రం మంచిదికాదని బోర్డు అధికారులకు ఉమాభారతి స్పష్టం చేశారు.

దిల్లీ: యుపిలోని మథురలో గత శుక్రవారం జరిగిన అల్లర్లపై సమగ్ర దర్యాప్తు జరిపించాలంటూ సుప్రీం కోర్టులో సోమవారం నాడు పిటిషన్ దాఖలైంది. దీనిపై మంగళవారం విచారణ ప్రారంభిస్తామని వెకేషన్ బెంచ్‌లోని న్యాయమూర్తులు ప్రకటించారు. మథురలో జరిగిన అల్లర్లలో ఐపిఎస్ అధికారి సహా 29 మంది ప్రాణాలు కోల్పోయిన సంగతి తెలిసిందే. ఒక పార్కును ఆక్రమించిన ముఠా ఈ అరాచకానికి కారణమంటూ పోలీసులు దర్యాప్తు ప్రారంభించారు.

చండీగఢ్: హింసాత్మక సంఘటనలతో అరాచకత్వం పెచ్చుమీరుతున్నందున పంజాబ్‌లో తక్షణమే రాష్టప్రతి పాలన విధించాలని ఆ రాష్ట్ర కాంగ్రెస్ అధ్యక్షుడు అమరేందర్ సింగ్ సోమవారం డిమాండ్ చేశారు. ఇటీవలి విధ్వంసకాండలో అమాయకులు ప్రాణాలు కోల్పోయారని ఆయన ఆవేదన వ్యక్తం చేశారు. లూధియానాలో గత నెల 17న జరిగిన దాడుల్లో మరణించిన భూపేందర్‌సింగ్ కుటుంబాన్ని ఆయన పరామర్శించారు.