న్యూఢిల్లీ, జూన్ 12: రాజ్యసభలో 57 స్థానాలకు ప్రస్తుత విడతలో జరిగిన ద్వైవార్షిక ఎన్నికల్లో ప్రతిపక్ష యుపిఎపై అధికార ఎన్‌డియే కూటమి పైచేయి సాధించింది. పెద్దల సభలో ఇప్పటికీ ప్రాంతీయ పార్టీలే కీలకపాత్ర పోషిస్తుండటంతో ముఖ్యమైన బిల్లులను ఆమోదింపజేసుకునేందుకు అధికార పక్షం వాటిపై ఆధారపడక తప్పని పరిస్థితి నెలకొంది. రాజ్యసభలో ప్రాంతీయ పార్టీలకు 89 మంది సభ్యులు ఉన్నారు.

కోల్‌కతా, జూన్ 12: అఫ్గానిస్తాన్ రాజధాని కాబూల్‌లోని తైమానీ ప్రాంతంలో అపహరణకు గురైన జుడిత్ డిసౌజాను స్వదేశానికి రప్పించేందుకు కేంద్ర ప్రభుత్వం విస్తృత ప్రయత్నాలు చేస్తోందని ఆమె కుటుంబ సభ్యులు ఆదివారం తెలిపారు. ‘జుడిత్ విషయంలో విదేశీ వ్యవహారాల శాఖ (ఎంఇఎ)తోపాటు కేంద్ర ప్రభుత్వం మాతో విస్తృత సంప్రదింపులు జరుపుతోంది. సంయుక్త కార్యదర్శి స్థాయి అధికారి ఒకరు ఈ వ్యవహారాన్ని పర్యవేక్షిస్తున్నారు.

న్యూఢిల్లీ, జూన్ 12: ఆఫ్రికా దేశాలైన ఘన, ఐవరీ కోస్ట్, నమీబియాలలో ఆరు రోజుల పాటు పర్యటించేందుకు రాష్టప్రతి ప్రణబ్ ముఖర్జీ ఆదివారం బయలుదేరారు. బలమైన రాజకీయ వ్యవస్థ, ప్రజాస్వామ్య పునాదులు కలిగిన ఈ మూడు దేశాలతో సత్సంబంధాలు పెంపొందించుకోవడమే ధ్యేయంగా ప్రణబ్ ఈ పర్యటన చేపట్టారు. ఘన, ఐవరీకోస్ట్‌లలో భారత రాష్టప్రతి పర్యటించడం ఇదే మొదటిసారి.

న్యూఢిల్లీ, జూన్ 12: వీధి పిల్లలను అనుమతించని ఢిల్లీలోని ఓ రెస్టారెంట్‌పై తీవ్రస్థాయిలో దుమారం చెలరేగుతోంది. తన భర్త పుట్టినరోజు సందర్భంగా కొందరు వీధి పిల్లలకు కన్నాట్ ప్లేస్‌లోని ఓ రెస్టారెంట్‌లో భోజనం పెట్టించాలని భావించిన రచయిత్రి సోనాలి శెట్టి ఈ అంశంపై తీవ్ర ఆగ్రహం వ్యక్తం చేస్తున్నారు. దీన్ని వీధి పిల్లల పట్ల వివక్ష అంటూ హోటల్ ముందే ధర్నాకు దిగారు.