దిల్లీ: ఉడ్తా పంజాబ్‌ సినిమా వివాదంపై బాంబే హైకోర్టు ఇచ్చిన తీర్పును సవాల్‌ చేస్తూ పంజాబ్‌కు చెందిన ఓ ఎన్జీవో సుప్రీంకోర్టును ఆశ్రయించింది. రెండు రోజుల్లో సినిమా విడుదల కావాల్సి ఉండగా.. ఎన్జీవో పిటిషన్‌ వేయడం సర్వత్రా ఉత్కంఠ రేపుతోంది. తొలుత 89 సీన్లను నిషేధించాలని సూచించిన సెన్సార్‌ బోర్డు.. చివరకు 13 కట్లతో సినిమాకు ఏ సర్టిఫికేట్‌ ఇచ్చింది.

న్యూఢిల్లీ, జూన్ 14: కాంగ్రెస్ పార్టీ ఉపాధ్యక్షుడు రాహుల్ గాంధీ అత్యంత చురుకైన నాయకుడని, అందరికీ అందుబాటులో ఉండే వ్యక్తి అని ఆ పార్టీ సీనియర్ నాయకుడు జైరామ్ రమేశ్ అన్నారు. భారతీయ విలువల పట్ల రాహుల్ నిబద్ధత ప్రధాని నరేంద్ర మోదీకన్నా ఎంతో మెరుగని, వాస్తవాలను వక్రీకరించడంలో మోదీకి గొప్ప నేర్పు ఉందని మంగళవారం ఓ న్యూస్ చానల్‌కిచ్చిన ఇంటర్వ్యూలో అన్నారు.

కోయంబత్తూరు, జూన్ 14: జాతీయ మహిళా విధానం జూలై నెల మూడో వారానికల్లా సిద్ధమవుతుందని, ఒంటరి మహిళల కుటుంబాలకు సంబంధించిన సమస్యలపై దీనిలో ఒక ప్రత్యేక చాప్టర్ ఉంటుందని జాతీయ మహిళా కమిషన్ చైర్‌పర్సన్ లలితా కుమార మంగళం ఇక్కడ చెప్పారు. ఈ నెల చివరికి సిద్ధం కానున్న ముసాయిదా విధానాన్ని ప్రభుత్వం ముందుంచుతామని, వచ్చే నెల రెండోవారంకల్లా విధానం సిద్ధమయ్యే అవకాశముందని అన్నారు.

న్యూఢిల్లీ, జూన్ 14: తెలంగాణ కాంగ్రెస్ నేతలు పార్టీకి రాజీనామా చేసి ఇతర పార్టీల్లో చేరటంపట్ల హైకమాండ్ తీవ్ర ఆందోళన వ్యక్తం చేసింది. పార్టీ ఉపాధ్యక్షుడు రాహుల్‌గాంధీ మంగళవారం తెలంగాణ పిసిసి అధ్యక్షుడు ఉత్తమ్‌కుమార్ రెడ్డితో సమావేశమై కాంగ్రెస్ నేతల పార్టీ ఫిరాయింపుపై సమీక్ష జరిపారు.