న్యూఢిల్లీ, జూన్ 16: ఢిల్లీ ముఖ్యమంత్రిగా పదిహేనేళ్లపాటు ఏకబిగిన పనిచేసిన కాంగ్రెస్ సీనియర్ నాయకురాలు షీలా దీక్షిత్‌కు కాంగ్రెస్ అధినాయకత్వం కీలక బాధ్యతలు అప్పగించనుందా? ఉత్తరప్రదేశ్ అసెంబ్లీ ఎన్నికల్లో ముఖ్యమంత్రి అభ్యర్థిగా ఆమెను బరిలోకి దింపనుందా? వీటికి సంబంధించి గురువారం ఊహాగానాలు ఊపందుకున్నాయి.

న్యూఢిల్లీ, జూన్ 16: భారత దేశాన్ని ‘ప్రపంచ వ్యూహాత్మక, రక్షణ భాగస్వామి’గా గుర్తించాలని కోరే కీలకమైన సవరణను అమెరికా సెనేట్ తిరస్కరించడం అంత సీరియస్‌గా తీసుకోవలసిన విషయమేమీ కాదని, దాని తుది స్వరూపం ఎలా ఉంటుందో ఇప్పుడే ఊహాగానాలు చేయడం తొందరపాటే అవుతుందని కేంద్రం అభిప్రాయపడింది.

న్యూఢిల్లీ, జూన్ 16: సాధారణంగా కిలో ఇరవై, ముప్ఫై రూపాయలు ఉండే సామాన్యుడి నిత్యావసర సరకుల్లో ఒకటైన టమోటా ఇప్పుడు దేశవ్యాప్తంగా రిటైల్ మార్కెట్లలో 80నుంచి వందరూపాయల దాకా పలుకుతుండడంతోఏమి కొని తినాలని గృహిణులు గగ్గోలు పెడుతున్న విషయం తెలిసిందే. అయితే ఆగస్టు నెల చివరికి కానీ కొత్త పంట మార్కెట్లోకి వచ్చే అవకాశం లేనందున మరో రెండు నెలల పాటు టమోటా ధరలు ఎక్కువగానే ఉండే అవకాశముందని కేంద్రం అంటోంది.

లక్నో: హైకోర్టు ఆదేశాలను యుపి ప్రభుత్వం పాటించకపోవడం వల్లే ఇటీవల మథురలో అల్లర్లు జరిగాయని ఆ రాష్ట్ర గవర్నర్ రామ్‌నాయక్ గురువారం కాన్పూరులో మీడియాతో అన్నారు. మథురలోని జవహర్‌బాగ్ పార్కును కోర్టు ఆదేశాల మేరకు ఎపుడో ఖాళీ చేయించి ఉంటే ఇద్దరు పోలీసు అధికారులు సహా 29 మంది ప్రాణాలు కోల్పోయి ఉండేవారు కారన్నారు. కోర్టు ఆదేశాలు అమలు కానందునే ఈ దారుణం జరిగిందన్నారు.