రాంచీ: ఝార్ఖండ్‌లోని గిరిధ్ జిల్లా హెసాలో-పిర్టన్ అటవీ ప్రాంతంలో శుక్రవారం ఉదయం జరిగిన ఎదురుకాల్పుల్లో సిఆర్‌పిఎఫ్ కమాండర్ హరజన్ మరణించారు. మావోయిస్టులు సంచరిస్తున్నారన్న సమాచారంతో ఆ ప్రాంతంలో కూంబింగ్ జరిపేందుకు సిఆర్‌పిఎఫ్ జవాన్లు వెళ్లారు. వారిని పసిగట్టిన మావోలు తుపాకులు పేల్చారు. ఇరువర్గాలకు మధ్య జరిగిన ఎదురుకాల్పుల్లో కమాండర్ మరణించగా ఓ జవాన్ గాయపడ్డాడు.

గాంధీనగర్: దేశవ్యాప్తంగా సంచలనం సృష్టించిన గుల్బర్గ్ సొసైటీ హత్యాకాండ కేసులో 11 మంది దోషులకు న్యాయస్థానం యావజ్జీవ జైలుశిక్ష విధించింది. గుజరాత్‌లోని గుల్బర్గ్‌లో 2002లో జరిగిన హత్యాకాండలో 69 మంది ప్రాణాలు కోల్పోయారు. హత్యలు చేసినట్లు రుజువైనప్పటికీ అంతకుముందు ఎలాంటి నేరచరిత్ర లేనందున ఈ 11 మందికి ఉరిశిక్ష వేయలేకపోతున్నట్లు కోర్టు పేర్కొంది.

ముంబై, జూన్ 16: సముద్రమార్గం నుంచి ఉగ్రవాద ప్రమాదం పెద్దఎత్తున పొంచి ఉన్నదని కేంద్ర హోం శాఖ మంత్రి రాజ్‌నాథ్‌సింగ్ అన్నారు. తీరప్రాంత భద్రతపై రాజ్‌నాథ్ గురువారం సమీక్షించారు. దేశంలోని భారీ, మధ్యతరహా ఓడరేవులు ఉగ్రవాద ముప్పును ఎదుర్కొంటున్నాయన్నారు. ‘1993లో రాయ్‌గఢ్‌లో భారీఎత్తున పేలుడు పదార్థాలు అక్రమంగా దేశంలోకి రవాణా అయ్యాయి.

న్యూఢిల్లీ, జూన్ 16: పప్పు్ధన్యాల ధరలు కిలో 200 రూపాయలకు చేరుకోవడంతో కిలో 120 రూపాయల చొప్పునే రిటైల్ మార్కెట్లో విక్రయించడానికి బఫర్ స్టాక్‌ను ముందు అనుకున్నదానికన్నా అయిదు రెట్లు అంటే 8 లక్షల టన్నులకు పెంచాలని కేంద్ర ప్రభుత్వం గురువారం నిర్ణయించింది.