జాతీయ వార్తలు
థర్డ్‌ఫ్రంట్ లక్ష్యంగా జోగి అడుగులు?
S ,7 à 8 RSCA (si SASPAS) et 6 cialis pharmacie cialis rapports de stage.
రాయ్‌పూర్, జూన్ 12: చత్తీస్‌గఢ్‌లో రమణ్‌సింగ్ సారథ్యంలోని బిజెపి ప్రభుత్వాన్ని గద్దె దించడమే లక్ష్యంగా కొత్త అజెండాతో ముందుకు వస్తున్న కాంగ్రెస్ మాజీ సీనియర్ నేత అజిత్ జోగి సుదూర రాజకీయ లక్ష్యాలనే దీనితో ముడిపెట్టారు. 2019లో జరిగే లోక్‌సభ ఎన్నికల్లో ఏర్పాటయ్యేందుకు అవకాశమున్న మూడోఫ్రంట్‌లో భాగంగానే రామన్ రహిత చత్తీస్‌గఢ్ అజెండాను జోగి ముందుకు తీసుకువస్తున్నట్లుగా తెలుస్తోంది. పశ్చిమ బెంగాల్ ముఖ్యమంత్రి మమతా బెనర్జీ, బిహార్ ముఖ్యమంత్రి నితీష్‌కుమార్‌లు ఇప్పటికే జాతీయస్థాయిలో మూడో ఫ్రంట్ ఆలోచనను తెరపైకి తెచ్చిన నేపథ్యంలో అందులో భాగస్వామి కావాలనే అజిత్ జోగి వ్యూహాత్మకంగా అడుగులు వేస్తున్నట్లు చెబుతున్నారు. ఈ నెలాఖరులోగా తమ రాజకీయ పార్టీని ప్రకటిస్తామని రాష్ట్రంలో రెండేళ్ల తర్వాత జరిగే అసెంబ్లీ ఎన్నికల్లో విజయం సాధించడమే లక్ష్యంగా కృషి చేస్తామని జోగి తెలిపారు. రాష్ట్రంలోని బిజెపి ప్రభుత్వం ఖజానాను కొల్లగొడుతోందని, ప్రైవేటు రంగాన్ని ప్రోత్సహిస్తూ తమకు అనుకూలంగా ఉండే వ్యాపారవేత్తలకు వంతపాడుతోందని పిటిఐకి ఇచ్చిన ఇంటర్వ్యూలో జోగి తెలిపారు. జాతీయ స్థాయిలో ఏర్పాటయ్యేందుకు అవకాశం ఉన్న మూడో ఫ్రంట్‌లో చేరే అవకాశం ఉందా అన్న ప్రశ్నకు ‘మమతాబెనర్జీ, నితీష్‌కుమార్‌లు నా పాత స్నేహితులు. వారినుంచి ఏ రకమైన ప్రతిపాదన వచ్చినా సరైన సమయంలో సరైన నిర్ణయం తీసుకుంటాను’ అని తెలిపారు. కొత్త పార్టీ ఏర్పాటుచేస్తున్నందుకు తనను వీరిద్దరూ అభినందించారని, వైకాపా అధ్యక్షుడు జగన్మోహన్‌రెడ్డి, ఒరిస్సా ముఖ్యమంత్రి నవీన్ పట్నాయక్ కూడా తనకు ఫోన్ చేశారని చెప్పారు.
చిత్రం అజిత్ జోగి
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.