హైదరాబాద్: నగరంలోని ఎర్రగడ్డ వద్ద ప్రభుత్వ మానసిక వైద్యశాలలో కొంతకాలంగా చికిత్స పొందుతున్న ఓ మహిళారోగి ఆత్మహత్య చేసుకున్న ఉదంతం సోమవారం ఉదయం వెలుగు చూసింది. ఆమె ఆదివారం అర్ధరాత్రి దాటాక ఆత్మహత్య చేసుకుని ఉంటుందని ఆస్పత్రి సిబ్బంది చెబుతున్నారు. ప్రకాశం జిల్లాకు చెందిన ఆమె ఎందుకు ఆత్మహత్య చేసుకుందన్న విషయమై పోలీసులు దర్యాప్తు చేపట్టారు.

హైదరాబాద్: తెలంగాణకు ప్రత్యేక హైకోర్టు ప్రారంభించాలని డిమాండ్ చేస్తూ అడ్వకేట్ జెఎసి పిలుపు మేరకు సోమవారం న్యాయవాదులు ‘చలో హైకోర్టు’ ఆందోళనకు దిగారు. లాయర్ల ఆందోళనకు ఎలాంటి అనుమతి లేదని, హైకోర్టు పరిసరాల్లో నిషేధాజ్ఞలు విధించామని హైదరాబాద్ పోలీస్ కమిషనర్ స్పష్టం చేశారు. ధర్నాలు, ర్యాలీలు నిర్వహిస్తే చట్టప్రకారం చర్యలు తీసుకుంటామని ఆయన తెలిపారు.

హైదరాబాద్: వేసవి సెలవుల అనంతరం ఎపి, తెలంగాణల్లో సోమవారం ఉదయం పాఠశాలలు పునఃప్రారంభమయ్యాయి. తొలిరోజు కావడంతో స్కూళ్ల వద్ద విద్యార్థులు, తల్లిదండ్రుల సందడి కనిపించింది. పిల్లలు బడికి వెళ్లడం తమకు ఆనందం కలిగించినా మరోవైపు అధిక ఫీజులు, పుస్తకాల ధరలు, ఇతర ఖర్చులకు తల్లిదండ్రులు ఆందోళన చెందుతున్నారు. కానె్వంట్లు, కార్పొరేట్ విద్యాసంస్థల్లో అధిక ఫీజులను నియంత్రించాలని తల్లిదండ్రులు కోరుతున్నారు.

హైదరాబాద్, జూన్ 12: పోలింగ్ కేంద్రం, గ్రామ స్థాయి నుంచి మొదలుకుని రాష్ట్ర స్థాయి వరకూ పార్టీని మరింత బలోపేతం చేసేందుకు చర్యలు చేపట్టాలని తెలంగాణ ప్రదేశ్ కాంగ్రెస్ కమిటీ కార్యవర్గం నిర్ణయించింది. టి.పిసిసి అధ్యక్షుడు ఎన్. ఉత్తమ్‌కుమార్‌రెడ్డి అధ్యక్షతన ఆదివారం పార్టీ కార్యాలయం గాంధీ భవన్‌లో కార్యవర్గ సమావేశం జరిగింది.