కరీంనగర్, జూన్ 12: ఎవరెన్ని అడ్డంకులు సృష్టించినా ప్రాజెక్టులను కట్టి తీరుతామని రాష్ట్ర భారీ నీటి పారుదల, మార్కెటింగ్, గిడ్డంగుల శాఖ మంత్రి తన్నీరు హరీశ్‌రావు స్పష్టం చేశారు. రాష్ట్రంలో ప్రతి ఎకరాకు సాగునీటిని అందించడమే ప్రభుత్వ లక్ష్యమని, ప్రాజెక్టుల రీడిజైనింగ్ కూడా ఇందుకోసమేనన్నారు.

యాదగిరిగుట్ట, జూన్ 12: నల్లగొండ జిల్లా యాదాద్రి పుణ్యక్షేత్రంలో ఆదివారం భక్తుల కోలాహలం నెలకొంది. ప్రధాన ఆలయంలో శ్రీ లక్ష్మీనృసింహుడికి అనుబంధ శివాలయంలో పరమేశ్వరుడికి ప్రత్యేక పూజలు కొనసాగాయి. క్షేత్ర సందర్శనకు వచ్చిన యాత్రికులు స్వామికి అర్చనతో పాటు నిత్య కళ్యాణ పర్వాలను నిర్వహించి మొక్కులను తీర్చుకున్నారు. స్వామి వారి దర్శనానికి దాదాపు 6 గంటల సమయం పట్టిందని పలువురు భక్తులు తెలిపారు.

నల్లగొండ, జూన్ 12: కాంగ్రెస్ క్రమశిక్షణా సంఘం జారీ చేసిన షోకాజ్ నోటీస్‌పై పార్టీ సీనియర్ నేత, రాజ్యసభ సభ్యుడు పాల్వాయి గోవర్ధన్‌రెడ్డి తీవ్రంగా ప్రతిస్పందించారు. 60 ఏళ్లుగా కాంగ్రెస్‌లో పనిచేస్తున్న తనకు షోకాజ్ నోటీస్ ఇవ్వడంపై అభ్యంతర వ్యక్తం చేస్తూ ఆయన పిసిసి చీఫ్ ఎన్.ఉత్తమ్‌కుమార్‌రెడ్డికి లేఖ రాశారు. జానారెడ్డిని విమర్శించలేదని, తన వ్యాఖ్యలను మీడియా వక్రీకరించిందని ఆయన పేర్కొన్నారు.

మోర్తాడ్, జూన్ 12: పసుపు సాగు విధానంలో ఆధునీకతను తీసుకువచ్చి అధిక దిగుబడులు పొందేలా ప్రభుత్వం చేపట్టిన పైలెట్ ప్రాజెక్టుకు తొలి అడుగు పడింది. పురాతన విధానాలకు స్వస్తి పలికి, నూతన సాగు విధానాలను అలవర్చుకునేలా రైతులను సమాయత్తం చేసేందుకు ప్రభుత్వం చేపట్టిన ఈ పథకంలో తొలి విడత నిజామాబాద్ జిల్లావ్యాప్తంగా 100 మంది రైతులను ఎంపిక చేశారు. అందులో 80 మంది రైతులతో బాల్కొండ సింహ భాగాన్ని పొందింది.