సంగారెడ్డి, జూన్ 13: అవినీతి రహిత పాలన అందిస్తామని, స్విస్ బ్యాంకుల్లో దాచిన నల్ల ధనాన్ని తీసుకువచ్చి దేశాన్ని అభివృద్ధి చేస్తామని హామీలిచ్చిన మోదీ అధికారంలోకి రాగానే అందుకు వ్యతిరేకంగా పాలన సాగిస్తున్నారని సిపిఐ రాష్ట్ర కార్యదర్శి చాడ వెంకట్‌రెడ్డి ఘాటుగా విర్శించారు. బ్యాంకులకు వేల కోట్ల రూపాయలను ముంచిన విజయ్ మాల్యా లాంటి అవినీతి పరులకు కేంద్ర ప్రభుత్వం అండదండలు అందిస్తుందని ఆరోపించారు.

హైదరాబాద్, జూన్ 13: కృష్ణా పుష్కరాల కోసం రూ. 771 కోట్ల వ్యయంతో చేపట్టిన 728 పనులను ముమ్మరం చేసి సాధ్యమైనంత త్వరగా పూర్తి చేయాలని ప్రభుత్వ ప్రధాన కార్యదర్శి రాజీవ్ శర్మ అధికారులను ఆదేశించారు. త్వరలో వర్షాలు కురిసే అవకాశం ఉన్నందున సాధ్యమైనంత త్వరగా ఈ పనులను పూర్తిచేయాలని ఆయన స్పష్టం చేశారు.

హైదరాబాద్: కృష్ణా పుష్కరాల కోసం చేపట్టిన పనులను సకాలంలో నాణ్యతతో పూర్తిచేయాలని తెలంగాణ ప్రభుత్వ ప్రధాన కార్యదర్శి రాజీవ్ శర్మ ఆదేశించారు. ఆయన సచివాలయంలో సోమవారం నాడు దేవాదాయ, ఇరిగేషన్ శాఖల అధికారులతో జరిగిన సమావేశంలో మాట్లాడారు. పుష్కర ఘాట్లు, టాయిలెట్లు, మంచినీటి వసతి తదితర సౌకర్యాలను అనుకున్న సమయానికి పూర్తి చేయాలన్నారు. భక్తులకు ఎలాంటి అవస్థలు కలగకుండా చర్యలు తీసుకోవాలన్నారు.

హైదరాబాద్: రెండువారాల విదేశీ పర్యటనను ముగించుకుని వచ్చిన తెలంగాణ మున్సిపల్, ఐటి శాఖల మంత్రి కెటిఆర్ సోమవారం నగరంలోని పలు కాలనీలు, బస్తీల్లో పర్యటించారు. నగర పాలనలో వందరోజుల ప్రణాళిక తీరుతెన్నులను ఆయన సమీక్షించారు. షాపూర్‌నగర్‌లో జిహెచ్‌ఎంసి 5 రూపాయలకు అందజేస్తున్న భోజనాన్ని ఆయన తిన్నారు. ఈ భోజనం బాగుందని అధికారులను మెచ్చుకున్నారు.