న్యూఢిల్లీ, మే 13: వచ్చే నెల రాజ్యసభలోని 57 స్థానాలకు జరిగే ద్వైవార్షిక ఎన్నికల తర్వాత ప్రస్తుతం ప్రభుత్వానికి సంఖ్యాబలం లేని పెద్దల సభలో పరిస్థితి కొంత అనుకూలంగా మారనుంది. అయితే కీలకమైన వస్తు సేవల పన్ను (జిఎస్‌టి)బిల్లును ఆమోదింప జేసుకునేందుకు ఇది ఎంతమాత్రం సరిపోదు.

న్యూఢిల్లీ,మే 13: రాజ్యసభ నుండి రిటైర్ అవుతున్న 53మంది సభ్యులకు రాజ్యసభ శుక్రవారం ఘనంగా వీడ్కోలు పలికింది. రాజ్యసభ చైర్మన్ హమీద్ అన్సారీ ,ప్రధాని నరేంద్ర మోదీ, రాజ్యసభ నాయకుడు, ఆర్థిక మంత్రి అరుణ్‌జైట్లీతో పాటు వివిధ పార్టీల నాయకులు రిటైర్ అవుతున్న సభ్యులకు వీడ్కోలు ఇస్తూ అభినందనలు తెలిపారు. సభ నుండి రిటైర్ అయినంత మాత్రాన ప్రజాసేవ నుండి రిటైర్ కాకూడదని వారు సూచించారు.

న్యూఢిల్లీ,మే 13: పార్లమెంటరీ వ్యవహారాలు, పట్టణాభివృద్ధి శాఖ మంత్రి ఎం.వెంకయ్యనాయుడు నాలుగో సారి కూడా కర్నాటక నుండి రాజ్యసభకు వస్తున్నారు. ప్రధాని నరేంద్ర మోదీ, బిజెపి అధ్యక్షుడు అమిత్ షా ఆయన అభ్యర్థిత్వానికి ఆమోద ముద్ర వేసినట్లు పార్టీ వర్గాలు చెబుతున్నాయి. వెంకయ్యనాయుడిని నాలుగో సారి కర్నాటక నుండి రాజ్యసభకు ఎంపిక చేయాలనే ప్రతిపాదన పట్ల రాష్ట్ర బిజెపిలో మొదట కొంత వ్యతిరేకత వ్యక్తమైంది.

న్యూఢిల్లీ, మే 13: కాంగ్రెస్ పార్టీని మరో పెనుకుంభకోణం చుట్టుముట్టే అవకాశాలు కనిపిస్తున్నాయి. వివిఐపిల కోసం ఉద్దేశించిన అగస్టా వెస్ట్‌లాండ్ హెలికాప్టర్ల ముడుపుల వ్యవహారంలో చిక్కుకున్న కాంగ్రెస్ పార్టీకి అంతకు మించిన స్థాయిలోనే ఇంకో స్కామ్ ఇరుకున పడేసే సూచనలున్నాయి. కాంగ్రెస్ సారథ్యంలో సాగిన యూపీఏ హయాంలోనే నౌకాదళానికి సంబంధించి ఈ కుంభకోణం జరిగినట్టుగా కథనాలు వెలువడుతున్నాయి.