గుంటూరు, మే 31: రాజధాని అమరావతి ప్రాంత పరిధిలో దేవాదాయ భూములు కోల్పోయిన కౌలురైతులకు కూడా ప్రభుత్వం కౌలు చెల్లింపుతో పాటు, భూ సమీకరణ ప్యాకేజీని అమలుచేయాలని ఆంధ్రప్రదేశ్ రైతు సంఘం డిమాండ్ చేసింది. మంగళవారం తుళ్లూరు సిఆర్‌డిఎ కార్యాలయం వద్ద ఈ విషయమై కౌలురైతులు ధర్నా నిర్వహించారు.

విజయవాడ, మే 31: దశాబ్దాల తరబడి వడ్డీ వ్యాపారాలు జరుగుతుండటం చూశాం కానీ కాల్‌మనీ ముసుగులో మహిళలపై వేధింపులే గాక అరాచకాలు, అకృత్యాలకు పాల్పడుతున్న కాల్‌మనీ దందాను కూకటివేళ్లతో పెకిలించాలి.. బాధితులకు అన్ని వర్గాలు బాసటగా నిలవాలి..

గుంటూరు, మే 31: రాజ్యసభకు అభ్యర్థిగా పరిశీలనలో ఉంచి చివరి క్షణంలో తనను తప్పించడంతో మాజీ మంత్రి జేఆర్ పుష్పరాజ్ అధిష్ఠానంపై అలక వహించారు. అధినేతతో తాడోపేడో తేల్చుకోవాలనే నిర్ణయానికి వచ్చినట్లు చెబుతున్నారు. పార్టీ అధికారంలో ఉన్నా, లేకున్నా అంకితభావంతో పనిచేశానని, సీనియర్లకు సైతం పార్టీలో గుర్తింపు ఇవ్వటంలేదని పుష్పరాజ్ తన సన్నిహితుల వద్ద ఆవేదన వ్యక్తం చేసినట్లు తెలిసింది.

విశాఖపట్నం, మే 31: రానున్న 24 గంటల్లో కోస్తాంధ్ర ప్రదేశ్‌లో అక్కడక్కడా ఉరుములతో కూడిన జల్లులు కురియవచ్చని విశాఖలోని తుపాను హెచ్చరికల కేంద్రం అధికారులు మంగళవారం రాత్రి తెలిపారు. ఒడిశా వరకూ అల్పపీడన ద్రోణి విస్తరించి ఉందని, దక్షిణ దిశగా తేమతో కూడిన గాలుల కారణంగా ఉత్తర కోస్తాలో కొన్ని చోట్ల వర్షం కురిసే అవకాశం ఉందని తెలిపారు.