విజయవాడ, జూన్ 14: నిత్యం ప్రజలతో మమేకమై పనిచేసిన వారు ఎన్నికల్లో తప్పక విజయం సాధిస్తారని వైకాపా అధినేత జగన్ చెప్పారు. అందుకే గడపగడపకు వైఎస్‌ఆర్ కాంగ్రెస్ పార్టీ కార్యక్రమాన్ని ప్రవేశపెడుతున్నట్టు ఆయన తెలియచేశారు. పార్టీ విస్తృత స్థాయి సమావేశం మంగళవారం ఇక్కడ జరిగింది. వచ్చే నెల ఎనిమిదో తేదీ నుంచి ఈ కార్యక్రమం మొదలవుతుందని అన్నారు.

విజయవాడ, జూన్ 14: ముఖ్యమంత్రి పదవి చేపట్టడానికి చంద్రబాబు కరిచాడని, ఆయన చేయని మోసం లేదు,చెప్పని అబద్ధం లేదంటూ వైఎస్‌ఆర్ కాంగ్రెస్ పార్టీ అధ్యక్షుడు జగన్ మోహన్ రెడ్డి తీవ్ర స్వరంతో విరుచుకు పడ్డారు. అబద్దాలే చంద్రబాబును గద్దెనెక్కించాయని, ఆయన మాట్లాడేవి అబద్ధాలని తెలియక మోసపోయి ఓట్లు వేసిన రైతులు, డ్వాక్రా మహిళలు, నిరుద్యోగులు దారణంగా ఇబ్బంది పడుతున్నారని అన్నారు.

విజయవాడ, జూన్ 14: రాష్ట్రంలో సంక్షేమం కోసం ఖర్చుపెట్టే ప్రతి రూపాయిని ఆన్‌లైన్ ద్వారానే చెల్లించాలని, ఇందుకోసం ఒకే విధానాన్ని రూపొందించాలని ముఖ్యమంత్రి చంద్రబాబు నాయుడు అధికారులను ఆదేశించారు. ఎక్కడా అవకతవకలకు తావివ్వకుండా, లబ్ధిదారులు సంక్షేమ ఫలాలను సద్వినియోగం చేసుకునేలా చేయడం సాంకేతికతతోనే సాధ్యమని అన్నారు. రాష్ట్రంలో సంక్షేమ పథకాల అమలు తీరుపై చంద్రబాబు మంగళవారం సిఎంఓలో సమీక్ష జరిపారు.

విజయవాడ, జూన్ 14:రూపాయికి ప్లేట్ ఇడ్లీ, మూడు రూపాయలకు పెరుగన్నం, ఐదు రూపాయలకు పులిహోర! రాష్ట్ర ప్రభుత్వం ఏర్పాటు చేయబోతున్న ‘అన్న’ క్యాంటీన్లలో రేట్లు ఇవి. మంగళవారం సిఎం కార్యాలయంలో ఏర్పాటు చేసిన విలేఖరుల సమావేశంలో మంత్రులు పరిటాల సునీత, ప్రత్తిపాటి పుల్లారావు, నారాయణ మాట్లాడుతూ ఎన్టీఆర్ పేరుతో ఏర్పాటు చేయనున్న తొలి క్యాంటీన్‌ను రాజధాని వెలగపూడిలో ప్రయోగాత్మకంగా ప్రారంభిస్తామని చెప్పారు.