ఉత్తరాంధ్ర, ఉభయ గోదావరి జిల్లాల రైలు ప్రయాణికులు డబుల్ డెక్కర్ రైలు ప్రయాణాన్ని త్వరలోనే ఆస్వాదించబోతున్నారు. విజయవాడ-విశాఖ మధ్య డబుల్ డెక్కర్‌ను నడపాలని రైల్వే ఉన్నతాధికారులు ఈ మధ్యనే నిర్ణయించారు. అందులో భాగంగానే బుధవారం విశాఖ చేరిన డబుల్ డెక్కర్ ట్రైన్ నిర్వహణలో లోపాలను సరిద్దడానికి ట్రయల్ రన్ నిర్వహించారు.

విజయవాడ, జూన్ 15: తుని ఘటనలో అరెస్టయిన వారిని ఎట్టి పరిస్థితిలోనూ వదిలే ప్రసక్తి లేదని రాష్ట్ర మంత్రి గంటా శ్రీనివాసరావు స్పష్టం చేశారు. సిఎం క్యాంప్ కార్యాలయంలో బుధవారం రాత్రి ఏర్పాటు చేసిన విలేఖర్ల సమావేశంలో మంత్రి గంటా, హోం మంత్రి చినరాజప్ప మాట్లాడారు. తుని ఘటనలో అరెస్టయిన వారిని విడుదల చేయటానికి ప్రభుత్వం అంగీకరించిందని ముద్రగడ కుమారుడు చెప్పటంలో వాస్తవంలేదని అన్నారు.

రాజమండ్రి: రాజమండ్రి ప్రభుత్వ ఆస్పత్రిలో ఆమరణ దీక్ష చేస్తున్న కాపు నాయకుడు ముద్రగడ పద్మనాభం వైద్య చికిత్స తీసుకునేందుకు సుముఖత వ్యక్తం చేశారని, తనకు ఐవీ ఫ్లూయిడ్స్ ఎక్కించేందుకు ఆయన అంగీకరించారని బిజెపి ఎమ్మెల్యే ఆకుల సత్యనారాయణ బుధవారం సాయంత్రం తెలిపారు. ప్రభుత్వానికి, కాపు నేతలకు మధ్య జరిగిన చర్చలు సానుకూల వాతావరణంలో జరిగాయన్నారు. ప్రభుత్వ ప్రతిపాదనలను ముద్రగడ ముందు ఉంచామన్నారు.

విజయవాడ: రాజమండ్రి ఆస్పత్రిలో ఆమరణ దీక్ష చేస్తున్న కాపు నాయకుడు ముద్రగడ పద్మనాభంకు కోర్టు ఆదేశాల మేరకు వైద్య చికిత్స అందిస్తామని, చర్చల పేరిట కాలయాపన జరిపే ఉద్దేశం ప్రభుత్వానికి లేదని హోం మంత్రి నిమ్మకాయల చినరాజప్ప బుధవారం తెలిపారు. అయితే, తుని విధ్వంసకాండలో అరెస్టు చేసిన వారిని విడిచిపెట్టే అవకాశం లేదని, చట్ట ప్రకారం కేసులు నడుస్తాయన్నారు.