మారేడుమిల్లి, జూన్ 16: కొన్ని రకాల వ్యాధుల నిరోధానికి చిన్నారులకు అందించే వాక్సిన్ వికటించి తూర్పు గోదావరి జిల్లాలోని ఏజెన్సీ ప్రాంతంలో అయిదు నెలల ఆడ శిశువు మృత్యువాత పడగా, మరో ఇరువురు బాలురు ప్రమాదకర పరిస్థితుల్లో కాకినాడ ప్రభుత్వాసుపత్రిలో చికిత్స పొందుతున్నారు. వివరాలిలావున్నాయి.

గుంటూరు: అక్రమంగా నిల్వ ఉంచిన సుమారు 12 లక్షల రూపాయల విలువ చేసే హైబ్రీడ్ మిర్చి విత్తనాలను విజిలెన్స్ అధికారులు గురువారం స్వాధీనం చేసుకున్నారు. రాజేంద్రనగర్‌లోని ఓ గోడౌన్‌లో ఈ నిల్వలను దాచిఉంచినట్లు అధికారులు కనుగొన్నారు.

విశాఖ: అనుమానాస్పద స్థితిలో పాడేరు ఎఎస్పీ శశికుమార్ మరణించడం పట్ల ఎపి హోం మంత్రి నిమ్మకాయల చినరాజప్ప తీవ్ర సంతాపం వ్యక్తం చేశారు. ఎఎస్పీ మరణించినట్లు తెలిసిన వెంటనే ఇతర కార్యక్రమాలన్నీ రద్దు చేసుకుని హోం మంత్రి హుటాహుటిన విశాఖ చేరుకున్నారు. కింగ్‌జార్జి ఆస్పత్రిలో శశికుమార్ భౌతికకాయాన్ని సందర్శించి నివాళులర్పించారు. కుటుంబ సభ్యులకు సంతాపం తెలిపారు.

కాకినాడ: తుని విధ్వంసకాండకు సంబంధించి పోలీసులు అరెస్టు చేసిన నిందితుల తరఫున పిఠాపురం కోర్టులో గురువారం బెయిల్ పిటిషన్‌ను న్యాయవాదులు దాఖలు చేశారు. దీనిపై విచారణను కోర్టు రేపటికి వాయిదా వేసింది.