రాజమహేంద్రవరం, జూన్ 18: కాపు ఉద్యమనేత, మాజీ మంత్రి ముద్రగడ పద్మనాభంతో కలిసి గత వారం రోజులుగా రాజమహేంద్రవరం ప్రభుత్వ వైద్యశాలలో దీక్ష చేస్తున్న పద్మనాభం కుమారుడు ము ద్రగడ గిరి, కోడలు సిరి శనివారం రాత్రి 10గంటలకు దీక్ష విరమించారు. ఈ సందర్భంగా గిరి, సిరితోపాటు ముద్రగడ వియ్యంకుడు శివాజీ విలేఖర్లతో మాట్లాడుతూ వైద్యుల సూచనల మేరకు దీక్ష విరమించినట్టు తెలిపారు.

హైదరాబాద్, జూన్ 18: ఆంధ్రప్రదేశ్‌లో భర్తీ చేయబోతున్న 10వేల పోస్టులపై రాష్ట్రప్రభుత్వం స్పష్టత ఇచ్చింది. వివిధ శాఖల్లో ఏయే కేటగిరి పోస్టులను భర్తీ చేయబోతున్నదీ పబ్లిక్ సర్వీసు కమిషన్‌కు, పోలీసు రిక్రూట్‌మెంట్ బోర్డుకు సమాచారం ఇచ్చింది. ఇప్పటికే పోస్టుల రోస్టర్‌ను సిద్ధం చేసిన అధికారులు వారం రోజుల్లో నోటిఫికేషన్లు జారీ చేయనున్నారని తెలిసింది.

హైదరాబాద్, జూన్ 18: వైద్య సీట్ల విషయంలో ఆంధ్రప్రదేశ్‌కు ఎలాంటి అన్యాయం జరుగకుండా జాగ్రత్తలు పాటించినట్టు వైద్య ఆరోగ్య మంత్రి కామినేని శ్రీనివాస్ హైదరాబాద్‌లో చెప్పారు. శనివారం సాయంత్రం ఆయన పాత్రికేయులతో మాట్లాడారు. హైదరాబాద్ నుండి అమరావతి తరలివెళ్లే ఉద్యోగులకోసమే 20న అమరావతి రైలు ప్రారంభించబోతున్నట్టు ఆయన వెల్లడించారు.

హైదరాబాద్, జూన్ 18: ముద్రగడకు వ్యతిరేకంగా మాట్లాడుతున్న తెదేపా కాపు మంత్రులు, ఎమ్మెల్యేలను కులం నుంచి బహ్కిరించాలని ఆలిండియా కాపు జాగృతి పిలుపునిచ్చింది. అదే సమయంలో నెల్లూరు జిల్లా కాపు సంఘం కూడా అధికారపార్టీలోని కాపు మంత్రులను కులం నుంచి బహిష్కరిస్తున్నట్లు ప్రకటించడం చర్చనీయాంశమయింది.