తాడిపత్రి, జూన్ 13: రాయలసీమ జిల్లాల్లో 2014-15 ఆర్థిక సంవత్సరం పన్నుల వసూళ్లలో అనంతపురం జిల్లా మొదటిస్థానంలో నిలిచిందని మునిసిపల్ రీజినల్ డైరెక్టర్ విజయలక్ష్మి పేర్కొన్నారు. అనంతపురం జిల్లా తాడిపత్రి మునిసిపల్ కార్యాలయంలో సోమవారం ఏర్పాటుచేసిన విలేఖరుల సమావేశంలో ఆర్‌డి విజయలక్ష్మి మాట్లాడుతూ గత సంవత్సరం రూ.42 కోట్ల పన్నులు వసూలు చేసి అనంతపురం మొదటిస్థానంలో నిలిచిందన్నారు.

తిరుపతి, జూన్ 13 : టిటిడి అనుబంధ ఆలయాల్లో వేదపారాయణంతో పాటు దివ్యప్రబంధాన్ని ప్రతినిత్యం పారాయణం చేసేందుకు స్థానికంగా ఉన్న పారాయణదారుల సేవలను వినియోగించుకోవాలని టిటిడి ఇఓ సాంబశివరావు అధికారులను కోరారు. తిరుపతిలోని టిటిడి పరిపాలనా భవనంలో సోమవారం సీనియర్ అధికారులతో ఇఓ వారపు సమీక్ష సమావేశం నిర్వహించారు. ఈ సందర్భంగా ఇఓ మాట్లాడుతూ భక్తులకు గదుల్లో వేడినీళ్లు అందుబాటులో ఉంచాలన్నారు.

విశాఖపట్నం, జూన్ 13: విశాఖ నగరంలో నిబంధనలకు విరుద్ధంగా నిర్వహిస్తున్న 32 పాఠశాలలకు జిల్లా విద్యాశాఖాధికారులు సోమవారం తాళాలు వేశారు. గతంలో నోటీసులు జారీ చేసినప్పటికీ, వేసవి సెలవుల అనంతరం తెరవడంతో అధికారులు దాడులు చేసి మూయించేశారు.

కాకినాడ, జూన్ 13: అగిపోయిన పింఛను పునరుద్ధరించాలని విన్నవించుకోవడానికి కలెక్టరేట్‌కు వెళ్లిన ఒక వృద్ధురాలు వడదెబ్బతో మృతి చెందిన సంఘటన సోమవారం కాకినాడలో చోటుచేసుకుంది. తూర్పు గోదావరి జిల్లా పిఠాపురం మండలం విరవ గ్రామానికి చెందిన అర్జనపూడి వెంకటలక్ష్మి (70) అనే వృద్ధురాలికి గత ఏడు నెలలుగా ఫించను అగిపోయింది. పిఠాపురం తహసీల్దారు, ఎంపిడిఒకు గోడు వెళ్ళబుచ్చుకున్నా ఫలితం లేకపోయింది.