హైదరాబాద్, జూన్ 12: ఆంధ్ర రాష్ట్రంలోని 175 అసెంబ్లీ నియోజకవర్గాల అభివృద్ధికి సంబంధించి ప్రణాళికలను రూపొందించి ఈ నెల 15వ తేదీలోపల పంపించాలని రాష్ట్రప్రభుత్వం జిల్లా కలెక్టర్లను ఆదేశించింది. ఈ ఆర్థిక సంవత్సరం రెండు అంకెలు అంటే 15 శాతం వృద్ధిరేటు సాధించాలని ప్రభుత్వం లక్ష్యంగా పెట్టుకుంది. ఈ లక్ష్యసాధనలో భాగంగా ఇప్పటికే మండలాలు, జిల్లాల వారీగా ప్రణాళికలను కలెక్టర్లు సమర్పించారు.

విజయవాడ, జూన్ 12: ప్రభుత్వ కార్యక్రమాలను ప్రజలకు తెలియచెప్పడానికి వినియోగించుకోవలసిన ముఖ్యమంత్రి కార్యాలయంలోని మీడియా పాయింట్‌ను కాపు ఉద్యమ వేదికగా వాడుకునే పరిస్థితి ఏర్పడింది. ముద్రగడ పద్మనాభం దీక్ష చేపట్టిన తరువాత, ప్రభుత్వం ఆ ఉద్యమాన్ని చల్లార్చేందుకు, అలాగే, ముద్రగడపై ఎదురు దాడికి దిగేందుకు ప్రయత్నాలు చేస్తున్న సంగతి తెలిసిందే.

కాకినాడ, జూన్ 12: మాజీ మంత్రి, కాపు ఉద్యమ నేత ముద్రగడ పద్మనాభం నిరాహార దీక్షకు మద్దతుగా తూర్పు గోదావరి జిల్లా గొల్లప్రోలు, పి గన్నవరం మండల కేంద్రాల్లో ఆదివారం ఆందోళనకారులు కదం తొక్కారు. జిల్లాలో 144 సెక్షన్, 30 పోలీస్ యాక్ట్‌లు అమలులో ఉన్నప్పటికీ ఖాతరు చేయకుండా ఈ రెండు గ్రామాల్లో నిరసనకారులు ఆందోళన బాట పట్టారు. దీంతో సాయుధ బలగాలు రంగంలోకి దిగాయి.

మదనపల్లె, జూన్ 12: చిత్తూరు జిల్లా మదనపల్లె మార్కెట్‌లో ఆదివారం టమోటా కిలో 80 రూపాయలు పలికింది. ఢిల్లీ, తమిళనాడు, ఉత్తరప్రదేశ్, మధ్యప్రదేశ్, చత్తీస్‌ఘడ్, ఒడిస్సా, మహారాష్ట్ర, పుదుచ్చేరి, పాండిచ్చేరి రాష్ట్రాలకు మదనపల్లె మార్కెట్ నుంచి టమోటాలు ఎగుమతి అవుతున్నాయి. ఎక్కువగా తమిళనాడులోని కుంభకోణం మార్కెట్‌కు తరలుతోంది.