నూజివీడు, జూన్ 20: రాజీవ్ గాంధీ సాంకేతిక వైజ్ఞానిక విశ్వవిద్యాలయం పరిధిలో రాష్ట్రంలో మరో మూడు ట్రిపుల్ ఐటీలు ఏర్పాటు చేసేందుకు ప్రభుత్వం రంగం సిద్ధం చేస్తోందని విశ్వవిద్యాలయ ఉప కులపతి విజయ్‌ప్రకాష్ తెలిపారు.

విజయవాడ/మేడికొండూరు , జూన్ 20: రాష్ట్ర ప్రభుత్వం చేపట్టిన పౌర్ణమి ఏరువాక కార్య క్రమంలో స్పీకర్ కోడెల శివప్రసాదరావు, మంత్రి దేవినేని ఉమ పాల్గొన్నారు. విజయవాడ రూరల్ గొల్లపూడి గ్రామంలో జలవనరుల శాఖ మంత్రి దేవినేని ఉమామహేశ్వరరావు నాగలితో దుక్కిదున్ని ఏరువాక పౌర్ణమి కార్యక్రమాన్ని ప్రారంభించారు.

గుంటూరు, జూన్ 20: రాజధానికి భూములిచ్చిన రైతులకు ప్లాట్ల పంపిణీ కార్యక్రమం మరోసారి వాయిదా పడింది. వర్షం వల్ల వాయిదా వేస్తున్నట్లు సోమవారం మంత్రి నారాయణ, సిఆర్‌డిఎ అధికారులు ప్రకటించారు. ముఖ్యమంత్రి చంద్రబాబు నేలపాడు గ్రామంలో ప్లాట్ల పంపిణీని ప్రారంభించాల్సి ఉంది. ఇందుకోసం తుళ్లూరు సిఆర్‌డిఎ కార్యాలయం వద్ద భారీ బహిరంగ సభావేదికను సర్వాంగ సుందరంగా ఏర్పాటు చేశారు.

ఆకివీడు, జూన్ 20: బ్యాంకులో రుణాల కోసం ఖాతాదార్లు కుదువపెట్టిన సుమారు రూ.70 లక్షల విలువైన బంగారు ఆభరణాలు మాయమయ్యాయి. పశ్చిమ గోదావరి జిల్లా ఆకివీడు కార్పొరేషన్ బ్యాంకు శాఖలో ఈ ఘటన చోటుచేసుకుంది. కొద్ది రోజుల క్రితమే ఈ వ్యవహారం వెల్లడైనా, బ్యాంకు అధికార్లు సోమవారం పోలీసులకు ఫిర్యాదు చేయడంతో వెలుగులోకి వచ్చింది.