భీమవరం, జూన్ 19: గోదావరి నదికి శివార్లలో ఉన్న ఉభయ గోదావరి జిల్లాల రైతుల ప్రయోజనాల దృష్ట్యా తెలంగాణలో నిర్మిస్తున్న ఎత్తిపోతల పథకాలను తక్షణం నిలుపుచేయాలని ఆంధ్రప్రదేశ్ రైతు కార్యచరణ సమితి డిమాండుచేసింది. ఎత్తిపోతల పథకాలు నిలువరించని పక్షంలో భవిష్యత్తులో రైతు కుటుంబాలన్నీ రోడ్డున పడతాయని సమితి పేర్కొంది.

విజయపురిసౌత్, జూన్ 19: శ్రీశైలం జలాశయం నుండి సాగర్ ప్రాజెక్టుకు నీటి చేరిక పూర్తిగా నిలిచిపోవడంతో రోజురోజుకు నీటిమట్టం తగ్గిపోతోంది. ఆదివారం సాయంత్రానికి సాగర్ జలాశయం నీటిమట్టం 505 అడుగులకు చేరుకుంది. ఇది 123.33 టీయంసీలకు సమానం. హైదరాబాద్ వాసులకు తాగునీటి అవసరాల నిమిత్తం ఎస్‌ఎల్‌బీసీ ద్వారా 800 క్యూసెక్కుల నీటిని విడుదల చేస్తున్నారు. శ్రీశైలం జలాశయం నీటిమట్టం 777.50 అడుగుల వద్ద కొనసాగుతోంది.

రాజమహేంద్రవరం, జూన్ 19: ‘రెండు రోజుల్లో మట్టిలో కలిసిపోయే దేహానికి ఈ పరీక్షలు అవసరమా...’ కాపు ఉద్యమనేత ముద్రగడ పద్మనాభం ఆదివారం రాత్రి తన సమీప బంధువుతో పలికిన మాటలివి. ఆదివారం ముద్రగడ దంపతుల దీక్ష 11వ రోజుకు చేరిన నేపథ్యంలో ఆయన వియ్యంకుడు (చిన్న కోడలి తండ్రి) సోమేశ్వరరావు రాజమహేంద్రవరం ప్రభుత్వాసుపత్రిలో పరామర్శించారు. రాత్రి సమయంలో ఆసుపత్రి నుండి బయటకు వచ్చిన ఆయనను మీడియా చుట్టుముట్టింది.

విశాఖపట్నం, జూన్ 19: కేంద్ర ప్రభుత్వంలోని వివిధ మం త్రిత్వ శాఖలు తాము ప్రవేశపెట్టనున్న పథకాలకు పేర్లు, లోగోలను డిజైన్ చేయాల్సిందిగా ప్రజలను కోరుతున్నాయి. కేంద్రప్రభుత్వం వివిధ పథకాలను అమలు చేస్తూ వాటికి ఆకర్షణీయమైన పేర్లు పెట్టేందుకు, లోగోలను, ట్యాగ్ లైన్లను రూపొందించేందుకు ఎంట్రీలను ఆహ్వానిస్తున్నది. కేంద్ర ప్రభుత్వం రూపొందించిన మై గవ్ యాప్ ద్వారా ఈ పోటీలను నిర్వహిస్తున్నది.