వరంగల్: 20వేల రూపాయలు లంచం తీసుకుంటూ వరంగల్ జిల్లాలో ఐటిడిఏ ఎగ్జిక్యూటివ్ ఇంజనీర్ వెంకన్న ఎసిబి అధికారులకు గురువారం ఉదయం పట్టుబడ్డాడు. పలు అవినీతి ఆరోపణలు రావడంతో వెంకన్నపై ఎసిబి అధికారులు నిఘాపెట్టి, పట్టుకున్నారు.

హైదరాబాద్: దళిత విద్యార్థి రోహిత్ ఆత్మహత్య కేసులో నిందితులను శిక్షించాలని డిమాండ్ చేస్తూ హెచ్‌సియు విద్యార్థులు గురువారం ఉదయం బస్సు యాత్ర ప్రారంభించారు. ఆంధ్ర, తెలంగాణల్లోని విద్యార్థులను కలుసుకునేందుకు వీరు రెండు బస్సుల్లో బయల్దేరారు. బస్సు యాత్ర ప్రారంభించిన సందర్భంగా ప్రొఫెసర్ కంచె ఐలయ్య, రిటైర్డ్ ఐఎఎస్ అధికారి కాకి మాధవరావు, రిటైర్డ్ జడ్జి చంద్రకుమార్ తదితరులు హాజరయ్యారు.

హైదరాబాద్: గ్రేటర్ హైదరాబాద్ నగరాన్ని విశ్వనగరంగా తీర్చిదిద్దేందుకు అందరి సహకారంతో కృషి చేస్తానని మేయర్ అభ్యర్థిగా ఎన్నికైన బొంతు రామ్మోహన్ అన్నారు. జిహెచ్‌ఎంసి ఎన్నికల్లో గెలిచిన తెరాస కార్పొరేటర్‌తో గురువారం ఉదయం పార్టీ కార్యాలయంలో జరిగిన సమావేశంలో ఆయన మాట్లాడారు. మేయర్‌గా అవకాశం రావడం తన అదృష్టమని, నగరంలో నివసించే అన్ని ప్రాంతాల వారికి అభివృద్ధి కార్యక్రమాలు అందేలా కృషిచేస్తానన్నారు.

సంగారెడ్డి, ఫిబ్రవరి 10: ప్రలోబపెట్టడం, మద్యం తాగించడం, ఒట్టు పెట్టించడం, గూండాగిరి, దాదాగిరితో దౌర్జన్యంగా కొనసాగిన నారాయణఖేడ్ రాజకీయానికి చరమగీతం పాడాల్సిన బాధ్యత ఓటర్లపై ఉంటే, నియోజకవర్గాన్ని ఇప్పటి నుంచి ప్రజాస్వామ్యబద్ధంగా అభివృద్ధి చేసే బాధ్యత మెదక్ జిల్లా బిడ్డగా తనపై ఉందని సిఎం కె చంద్రశేఖర్‌రావు అన్నారు.