నల్గొండ: నాగార్జునసాగర్ సమీపంలో దెయ్యాలగండి వద్ద ఈ రోజు ఉదయం చెన్నై నుంచి హైదరాబాద్ వెళ్తున్న ఆర్టీసీ బస్సు బోల్తాపడింది. ఈ ప్రమాదంలో ఓ వ్యక్తి స్వల్పంగా గాయపడగా, అందరూ క్షేమంగా బయటపడ్డారు. పెను ప్రమాదం తప్పటంతో అందరూ ఒక్కసారి ఊపిరి పీల్చుకున్నారు.

హైదరాబాద్: బాల వికాస సంస్థ పేదలు, మహిళల కోసం చేస్తున్న సేవలు ప్రశంసనీయమని, ఆ సంస్థకు ప్రభుత్వపరంగా సంపూర్ణ సహకారం అందిస్తామని తెలంగాణ ముఖ్యమంత్రి కె చంద్రశేఖర్‌రావు అన్నారు. ఎల్‌బి స్టేడియంలో మంగళవారం బాల వికాస సంస్థ సిల్వర్ జూబ్లీ ఉత్సవాలకు ముఖ్యమంత్రి కెసిఆర్, ఉప ముఖ్యమంత్రి కడియం శ్రీహరి, ఆంధ్రప్రదేశ్ స్పీకర్ కోడెల శివప్రసాద్‌రావు తదితర ప్రముఖులు హాజరయ్యారు.

హైదరాబాద్, ఫిబ్రవరి 9: చలన చిత్ర పరిశ్రమకు సంబంధించి అన్ని అనుమతులను సింగిల్ విండో విధానం ద్వారా అనుమతి ఇవ్వాలని తెలంగాణ ప్రభుత్వం భావిస్తోంది. పట్టణ ప్రాంతాల్లో మినీ కల్చరల్ సెంటర్‌లు ఏర్పాటు చేయాలని, సినీ కార్మికులకు డబుల్ బెడ్ రూమ్ ఇళ్లు, హెల్త్ కార్డులు ఇవ్వాలని ఆలోచిస్తోంది. సినిమా రంగ పరిశ్రమపై చర్చించేందుకు ముఖ్యమంత్రి కెసిఆర్ క్యాబినెట్ సబ్ కమిటీని ఏర్పాటు చేశారు.

హైదరాబాద్, ఫిబ్రవరి 9: శాసనసభ, శాసన మండలి సభ్యుల జీతభత్యాలు పెంచడానికి ప్రభుత్వం కసరత్తు ప్రారంభించింది. పెరిగిన ఖర్చులకు అనుగుణంగా తమ జీతాలు పెంచాలని ఇటీవల పలువురు ఎమ్మెల్యేలు, ఎమ్మెల్సీలు ముఖ్యమంత్రి, అసెంబ్లీ కార్యదర్శికి వినతి పత్రాలు సమర్పించారు. ఈ అంశంపై మంగళవారం క్యాంపు కార్యాలయంలో ఆసెంబ్లీ కార్యదర్శి రాజా సదారామ్, ఆర్థికశాఖ అధికారులతో ముఖ్యమంత్రి కె చంద్రశేఖర్‌రావు చర్చించారు.