హైదరాబాద్: కాంట్రాక్టర్ నిర్లక్ష్యం, అధికారుల పర్యవేక్షణ లోపం కారణంగా ఇద్దరు కార్మికులు మృతిచెందారు. 11మంది కార్మికులు గాయపడిన సంఘటన సోమవారం సాయంత్రం ఎన్‌ఎఫ్‌సి నగర్ పారిశ్రామికవాడలో చోటుచేసుకుంది. కుషాయిగూడ ఎన్‌ఎఫ్‌సి పారిశ్రామికవాడలో కొత్తగా నిర్మిస్తున్న భవనం ప్రమాదవశాత్తూ కూలిపోయింది. 40మంది కార్మికులు శ్లాబ్ వేస్తుండగా, ఇంకోవైపు శ్లాబ్ కుంగిపోయి ప్రమాదం సంభవించింది.

హైదరాబాద్: అగ్రిగోల్డ్ ఆస్తుల కేసులో దర్యాప్తు తీరు సరిగా లేదని ఉమ్మడి రాష్ట్రాల హైకోర్టు సోమవారం తీవ్ర ఆగ్రహం వ్యక్తం చేసింది. కేసు తప్పుత్రోవ పట్టేలా దర్యాప్తు సాగుతోందని, దీన్ని సిబిఐకి అప్పగించాలా? అని కోర్టు వ్యాఖ్యానించింది. ఆస్తుల విలువపై కోర్టును పక్కదారిపట్టిస్తున్నారని అగ్రిగోల్డ్ యాజమాన్నాన్ని మందలించింది.

వరంగల్: ఓ మహిళను వివస్తన్రు చేసి, కామె శరీరంపై కాల్చిన ఇనుప చువ్వలతో గాయాలు చేసి వీధిలో ఊరేగించిన దారుణ ఉదంతం వరంగల్ జిల్లా వర్ధన్నపేట మండలం డిసి తండాలో సోమవారం జరిగింది. ఈ గ్రామంలో రవి అనే వ్యక్తి రెండో భార్య అనితపై అతడి మొదటి భార్య బంధువులు కిరాతకంగా దాడి చేసి ఈ దారుణానికి ఒడిగట్టారు. సమాచారం తెలిసిన వెంటనే పోలీసులు తండాకు చేరుకుని అనితను ఆస్పత్రికి తరలించారు.

హైదరాబాద్: రంగారెడ్డి జిల్లా మహేశ్వరం మండలం మంకాల్ పారిశ్రామికవాడలో సోమవారం ఉదయం ఓ కెమికల్ ఫ్యాక్టరీలో భారీ పేలుడు సంభవించి ఆరుగురు సజీవ దహనమయ్యారు. ఇదే ఘటనలో మరొకరికి తీవ్ర గాయాలయ్యాయి. రసాయనాలు కలిపే మిక్సింగ్ యంత్రంలో పేలుడు కారణంగా చత్తీస్‌గఢ్‌కు చెందిన అయిదుగురు కార్మికులతో పాటు అక్కడ ఇన్‌ఛార్జిగా పని చేస్తున్న మూర్తి అనే ఉద్యోగి ప్రాణాలు కోల్పోయాడు.