హైదరాబాద్: ఇందిరాసాగర్, రాజీవ్‌సాగర్ రెండు ప్రాజెక్టులను కలిపి శ్రీరామ సాగునీటి ప్రాజెక్టుగా రీ-డిజైన్ చేయాలని ప్రభుత్వం నిర్ణయించింది. కొత్తగా రూపకల్పన చేయనున్న శ్రీరామ సాగునీటి ప్రాజెక్టు నిర్మాణ వ్యయానికి రూ. 7,900 కోట్లకు ప్రభుత్వం ఆమోదించింది. సచివాలయంలో ఆదివారం సాయంత్రం ముఖ్యమంత్రి కె చంద్రశేఖర్‌రావు అధ్యక్షతన జరిగిన మంత్రివర్గ సమావేశం పలు కీలక నిర్ణయాలకు ఆమోదం తెలిపింది.

హైదరాబాద్: జిహెచ్‌ఎంసి ఎన్నికల్లో పేద, మధ్యతరగతి వారందరికీ డబుల్ బెడ్ రూమ్ ఇళ్లు కట్టిస్తామన్న హామీని ఎరగా వేసి తెరాస గెలిచిందని కేంద్ర మంత్రి బండారు దత్తాత్రేయ అన్నారు. ఆయన ఆదివారం మీడియాతో మాట్లాడుతూ, ఎన్నికల్లో బిజెపి పరాజయానికి దారితీసిన కారణాలను విశే్లషిస్తామని, భవిష్యత్‌లో పార్టీని బలోపేతం చేసేందుకు కృషి చేస్తామని ఆయన తెలిపారు.

హైదరాబాద్, ఫిబ్రవరి 6: ముఖ్యమంత్రి కల్వకుంట్ల చంద్రశేఖర్‌రావు రాజకీయ వారసుడు కె తారక రామారావే అని నిజామాబాద్ ఎంపి కవిత వ్యాఖ్యానించారు. కెసిఆర్ రాజకీయ వారసుడు కెటిఆర్ అని గ్రేటర్ హైదరాబాద్ ప్రజలు తమ తీర్పు ద్వారా తేల్చి చెప్పారని అన్నారు. మీడియాతో శనివారం కవిత ఇష్టాగోష్టిగా మాట్లాడారు.

హైదరాబాద్, ఫిబ్రవరి 6: జిహెచ్‌ఎంసి ఎన్నికల్లో కాంగ్రెస్ పార్టీ ఘోర అపజయానికి నైతిక బాధ్యత వహి స్తూ, గ్రేటర్ అధ్యక్ష పదవికి రాజీనామా చేస్తున్నట్లు మాజీ మంత్రి దానం నాగేందర్ స్పష్టం చేశారు. ఈ మేరకు ఆయన తన రాజీనామా పత్రాన్ని టిపిసిసి చీఫ్ ఉత్తమ్‌కుమార్‌రెడ్డికి రాష్ట్ర కాంగ్రెస్ వ్యవహారాల ఇన్‌ఛార్జి దిగ్విజయ్‌సింగ్‌కు ఆదివారం పంపనున్నట్లు తెలిపారు. ఇకపై సామాన్య కార్యకర్తగా కొనసాగతానన్నారు.