మంగపేట, ఫిబ్రవరి 12: వన దేవతలైన మేడారం సమ్మక్క - సారలమ్మ గద్దెల వద్ద ముందస్తు మొక్కులు కొనసాగుతున్నాయి. సారలమ్మ గద్దెపై కొలువుదీరే ఫిబ్రవరి 17 నుండి వన దేవతలు తిరిగి వన ప్రవేశం చేసే 20వ తేదీ వరకు జరగనున్న మేడారం మహా జాతరకు ఈ సంవత్సరం కోటికి పైగా భక్తులు వచ్చే అవకాశం ఉందని అధికారులు అంచనాలు వేస్తున్నారు. ఈ క్రమంలో లక్షలాది మంది జాతరకు ముందే ముందస్తు మొక్కులు చెల్లించుకుంటున్నారు.

హైదరాబాద్, ఫిబ్రవరి 12: స్వరాష్ట్రంలో ఉమ్మడి రాజధానిలో కొత్త మేయర్, డిప్యూటీ మేయర్లు శుక్రవారం కొలువుదీరారు. జిహెచ్‌ఎంసి ప్రధాన కార్యాలయంలో మధ్యాహ్నం పనె్నండు గంటల నలభై నిమిషాలకు మేయర్ బొంతు రామ్మోహన్ తన ఛాంబర్‌లో శాస్త్రోక్తంగా పూజలు నిర్వహించి బాధ్యతలు చేపట్టగా, అంతకు ముందు పదకొండున్నర గంటలకు సమయంలో డిప్యూటీ మేయర్ బాబా ఫసియుద్దిన్ బాధ్యతలు స్వీకరించారు.

హైదరాబాద్‌: ముఖ్యమంత్రి కేసీఆర్‌ సూచనలతో హైదరాబాద్‌ను విశ్వనగరంగా తీర్చిదిద్దేందుకు కృషి చేస్తామని జీహెచ్‌ఎంసీ మేయర్‌ బొంతు రామ్మోహన్‌ అన్నారు. నగర మేయర్‌గా ఈరోజు ఆయన బాధ్యతలు స్వీకరించారు. ఈ సందర్భంగా నిర్వహించిన విలేకరుల సమావేశంలో మాట్లాడుతూ, ఉద్యమంలో ఏవిధంగా పనిచేశామో జీహెచ్‌ఎంసీ అభివృద్ధి కోసం అదేవిధంగా కృషి చేస్తామని స్పష్టం చేశారు.

హైదరాబాద్‌: జీహెచ్‌ఎంసీ డిప్యూటీ మేయర్‌గా బాబా ఫసియుద్దీన్‌ శుక్రవారం బాధ్యతలు స్వీకరించారు. మేయర్‌గా బాధ్యతలు స్వీకరించేందుకు బొంతు రామ్మోహన్‌ జీహెచ్‌ఎంసీ కార్యాలయానికి ర్యాలీగా బయలుదేరారు. ర్యాలీలో తెరాస కార్పొరేటర్లు, కార్యకర్తలు పాల్గొన్నారు.