సదాశివపేట: హైదరాబాద్‌లోని హకీంపేట ఎయిర్‌ఫోర్స్ శిక్షణకు చెందిన హెలిక్యాప్టర్ బీదర్ నుంచి హైదరాబాద్ వెళ్తున్న క్రమంలో సాంకేతిక లోపం తలెత్తిన విషయాన్ని పసిగట్టిన పైలట్ మెదక్ జిల్లా సదాశివపేట మండలం నిజాంపూర్ గ్రామ శివారులోని పంట పొలాల్లో దింపాడు. ఈ సంఘటన గురువారం ఉదయం 9 గంటలకు జరిగింది.

హైదరాబాద్: సినిమా రంగం సమస్యలు పరిష్కరించడానికి ప్రభుత్వం సిద్ధంగా ఉందని, రాష్ట్రంలో సినిమా పరిశ్రమ అభివృద్ధి కోసం తగిన చర్యలు తీసుకుంటున్నట్టు మంత్రివర్గ ఉప సంఘం వెల్లడించింది. మంత్రులు తుమ్మల నాగేశ్వరరావు, కె తారక రామారావు, తలసాని శ్రీనివాస్ యాదవ్‌లతో కూడిన ఉప సంఘం తొలి సమావేశం గురువారం సచివాలయంలో జరిగింది. 2011 నుంచి ఇప్పటి వరకు నంది అవార్డులను ప్రదానం చేయలేదు.

హైదరాబాద్: పార్టీకి ఆత్మవిశ్వాసం కలిగించేందుకు ఒకవైపు తెదేపా జాతీయ అధ్యక్షుడు ప్రయత్నిస్తుంటే, మరోవైపు ఎమ్మెల్యేల పార్టీ మారడం ఆగడం లేదు. తాజాగా నారాయణపేట ఎమ్మెల్యే రాజేందర్‌రెడ్డి తెరాసలో చేరారు. దీంతో ఇప్పటి వరకు తెదేపానుంచి తెరాసకు వెళ్లిన ఎమ్మెల్యేల సంఖ్య 10కి చేరుకుంది. 15మంది ఎమ్మెల్యేలు గెలిస్తే పదిమంది తెరాసకు వెళ్లిపోయారు.

హైదరాబాద్: తెలంగాణ అసెంబ్లీలో టిడిపి పక్షం నేతగా కొడంగల్ ఎమ్మెల్యే రేవంత్ రెడ్డి ఏకగ్రీవంగా ఎన్నికయ్యారు. ఆ పదవిలో ఇప్పటివరకూ ఉన్న ఎర్రబెల్లి దయాకరరావు బుధవారం తెరాస పార్టీలో చేరడంతో గురువారం ఎన్టీఆర్ ట్రస్టు భవన్‌లో టిడిపి ఎమ్మెల్యేలు సమావేశం అయ్యారు. అసెంబ్లీలో తమ నేతగా వారు రేవంత్‌ను ఏకగ్రీవంగా ఎన్నికయ్యారు. పార్టీ అధ్యక్షుడు చంద్రబాబు ఆదేశం మేరకు ఈ ఎన్నిక జరిగింది.