S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

09/15/2019 - 04:23

హైదరాబాద్ : హైదరాబాద్ రాష్ట్రానికి తొలి ముఖ్యమంత్రిగా నిస్వార్థంగా సేవలందించిన మహానీయుడు బూర్గుల రామకృష్ణారావు అని హిమాచల్‌ప్రదేశ్ గవర్నర్ బండారు దత్తాత్రేయ అన్నారు. బూర్గుల రామకృష్ణారావు 52వ వర్థంతినిపురస్కరించుకుని లిబర్టీ చౌరస్తా వద్దనున్న బూర్గుల విగ్రహానికి పూలమాల వేసి నివాళులర్పించారు.

09/15/2019 - 03:51

న్యూఢిల్లీ, సెప్టెంబర్ 14: ఐటీ సేవల దిగ్గజం ఇన్ఫోసిస్ అమెరికాలోని అరిజోనాలో ఒక టెక్నాలజి అండ్ ఇన్నోవేషన్ సెంటర్‌ను నెలకొల్పింది. 2023 నాటికి రాష్ట్రంలో వెయ్యి మంది అమెరికన్లకు ఉద్యోగాలు కల్పించాలనే ప్రణాళిక రూపొందించుకుంది. రెండేళ్ల కాలంలో పది వేల మంది అమెరికన్లకు ఉద్యోగావకాశాలు కల్పిస్తానని ఇన్ఫోసిస్ 2017లో ప్రకటించింది. ఆ లక్ష్యాన్ని అధిగమించినట్టు తెలిపింది.

09/15/2019 - 03:50

జమ్మూ, సెప్టెంబర్ 14: కాశ్మీర్ మిలిటెంట్లను పాక్‌కు అమ్ముడుపోయిన వ్యక్తులుగా అభివర్ణించిన రాష్ట్ర గవర్నర్ సత్యపాల్ మాలిక్ యాపిల్ రైతులను అడ్డుకుంటే తీవ్ర పర్యవసనాలు ఎదురవుతాయని వారిని హెచ్చరించారు. కాశ్మీర్ లోయ ప్రాంతాల్లో కాకుండా ఇతర ప్రాంతాల్లో తమ ఉత్పత్తులను విక్రయిస్తున్న రైతులను మిలిటెంట్లు బెదిరిస్తున్న నేపథ్యంలో గవర్నర్ ఈ హెచ్చరిక చేశారు.

09/15/2019 - 03:48

సూరత్, సెప్టెంబర్ 14: ఉగ్రవాదాన్ని పెంచి పోషించే ధోరణిని పాకిస్తాన్ కట్టిపెట్టాలని, లేనిపక్షంలో అది విచ్ఛిన్నం కావడం ఖాయమని రక్షణ మంత్రి రాజ్‌నాథ్ సింగ్ శనివారం నాడిక్కడ అన్నారు. విధి నిర్వహణలో మరణించిన 120 మంది సైనిక కుటుంబాలను సత్కరించేందుకు జరిగిన ఒక కార్యక్రమంలో మాట్లాడిన ఆయన ‘పాకిస్తాన్ ప్రజలు ఆధీన రేఖను దాటి వస్తే భారత్ సైన్యం మళ్లీ వారిని వెనక్కి పంపదు’ అని అన్నారు.

09/15/2019 - 04:53

న్యూఢిల్లీ: పార్లమెంటరీ స్టాండింగ్ కమిటీ చైర్మన్లుగా ముగ్గురు దక్కించుకున్నారు. వాణిజ్య శాఖ పార్లమెంటరీ స్టాండింగ్ కమిటీ చైర్మన్‌గా వైసీపీ రాజ్యసభ సభ్యుడు విజయ సాయిరెడ్డి, జాతీయ పరిశ్రమల శాఖ స్టాండింగ్ కమిటీ చైర్మన్‌గా టీఆర్‌ఎస్ పార్టీ రాజ్యసభ సభ్యుడు కే.కేశవరావు, రవాణా, టూరిజం, సాంస్కృతిక వ్యవహారాల స్టాండింగ్ కమిటీ చైర్మన్‌గా బీజేపీ రాజ్యసభ సభ్యుడు టీజీ వెంకటేష్ నియమితులయ్యారు.

09/14/2019 - 23:27

న్యూఢిల్లీ, సెప్టెంబర్ 14: దాదాపుగా దేశ జనాభా అంతా మాట్లాడే హిందీ భాష ఓ సమైక్య శక్తి అని, ప్రజల మధ్య వారధి అని కేంద్ర హోం మంత్రి అమిత్ షా శనివారంనాడు ఇక్కడ స్పష్టం చేశారు. దీని దృష్ట్యా మొత్తం దేశానికే హిందీని ఉమ్మడి భాషగా మార్చాలన్న అభిప్రాయాన్ని ఆయన హిందీ దివస్ సందర్భంగా వ్యక్తం చేశారు.

09/14/2019 - 23:24

కోల్‌కతా: దేశంలోని అన్ని భాషలు సంస్కృతులను ప్రజలు గౌరవించాలని, ఇందుకోసం తమ మాతృభాషను ఫణంగా పెట్టాల్సిన అవసరం లేదని పశ్చిమబెంగాల్ ముఖ్యమంత్రి మమతా బెనర్జీ శనివారంనాడు ఇక్కడ స్పష్టం చేశారు. హిందీని ఉమ్మడి భాషగా తీర్చిదిద్దాలన్న కేంద్ర హోం మంత్రి అమిత్ షా ప్రకటనపై స్పందించిన ఆమె ‘ఏ భాషనైనా మనం నేర్చుకోవచ్చు. కానీ మాతృభాషను మాత్రం విస్మరించకూడదు’ అని స్పష్టం చేశారు.

09/14/2019 - 23:21

చెన్నై: హిందీని బలవంతంగా రుద్దితే దేశవ్యాప్తంగా ఉద్యమిస్తామని తమిళనాడు ప్రతిపక్ష డీఎంకే కేంద్రాన్ని హెచ్చరించింది. కేంద్ర మంత్రి అమిత్ షా ప్రకటనపై విరుచుకుపడ్డ డీఎంకే అధ్యక్షుడు స్టాలిన్ ‘ భారతదేశం ఇండియానా లేదా హిందీయానా’ అని ప్రశ్నించారు. భిన్నత్వంలో ఏకత్వమే భారతదేశం నిజమైన శక్తి అని రాజ్యాంగం గుర్తించిందని ఆయన తెలిపారు.

09/14/2019 - 23:19

బెంగళూరు: హిందీని ఉమ్మడి భాషగా మార్చాలంటూ కేంద్ర హోం మంత్రి అమిత్ షా ఇచ్చిన పిలుపు రాజకీయ రంగును సంతరించుకుంది. అమిత్ షా ప్రకటనను హిందీ భాషను దక్షిణాదిపై రుద్దడంగా కర్నాటకలో కాంగ్రెస్, జేడీఎస్ నేతలు అభివర్ణించారు. అయితే, అధికార బీజేపీ మాత్రం కన్నడ భాష మాదిరిగానే హిందీని నేర్చుకోవాలంటూ సమర్ధించింది. అమిత్ షా ప్రకటనను హిందీ భాషను కర్నాటకపై రుద్దడంగా భావించడానికి వీల్లేదని స్పష్టం చేసింది.

09/14/2019 - 23:18

న్యూఢిల్లీ: హిందీ భాషను దేశవ్యాప్తంగా విస్తరిస్తామంటూ కేంద్ర హోం మంత్రి అమిత్ షా చేసిన వ్యాఖ్యలపై సీపీఐ తీవ్ర స్వరంతో ధ్వజమెత్తింది. అమిత్ షా ప్రకటన దేశ సమాఖ్య నిర్మాణం భిన్న సంస్కృతులపైనే ఓ దాడిలాంటిందని వ్యాఖ్యానించింది. హిందీ భాషే దేశ ప్రజలను ఏకం చేస్తుందన్న మంత్రి వ్యాఖ్యలు దేశ భిన్న భావనలను దెబ్బతీసేవని ఓ ప్రకటనలో పేర్కొంది.

Pages