S ,7 à 8 RSCA (si SASPAS) et 6 cialis pharmacie cialis rapports de stage.

జాతీయ వార్తలు

03/19/2020 - 17:15

న్యూఢిల్లీ: దేశవ్యాప్తంగా సంచలనం సృష్టించిన నిర్భయ హత్యాచారం కేసులో దోషులకు రేపు ఉరిశిక్ష అమలుకానున్నది. తెల్లవారుజామున ఉరి తీసేందుకు అన్ని ఏర్పాట్లు చేశారు. ఇదిలావుండగా దోషులలో ఒకరైన పవన్‌గుప్తా క్యూరేటివ్ పిటిషన్ దాఖలు చేయగా ఈ ఉదయం ఆ పిటిషన్‌ను కూడా కొట్టివేసింది. ఈ నలుగురు దోషులు కూడా న్యాయపరంగా ఉన్న అన్ని అవకాశాలను వినియోగించుకున్నారు.

03/19/2020 - 17:15

షిల్లాంగ్: పర్యాటక ప్రదేశాలకు నిలయమైన మేఘాలయలో కరోనా వైరస్ ప్రభావం పడింది. అక్కడి పర్యాటక ప్రదేశాలను మూసివేశారు. దేశ విదేశాల నుంచి పర్యాటకులు తమ పర్యాటక షెడ్యూల్‌లో మార్పు చేసుకోవాలని అక్కడి ప్రభుత్వం కోరింది. మార్చి 31వ తేదీ వరకు ఈ నిబంధనలు అమలులో ఉంటాయని పేర్కొంది. ఆ తరువాత పరిస్థితులను బట్టి మార్పు చేస్తామని తెలిపింది.

03/19/2020 - 13:21

న్యూఢిల్లీ : దేశంలో కరోనా వైరస్ వ్యాప్తి చెందుతున్న నేపథ్యంలో బుధవారం నాటికి 158గా ఉన్న కరోనా కేసులు గురువారం ఉదయం 10 గంటల వరకు ఆ సంఖ్య 168కి చేరింది. ఈ మేరకు ఇండియన్‌ కౌన్సిల్‌ ఆఫ్‌ మెడికల్‌ రీసెర్చ్‌ ఓ ప్రకటన విడుదల చేసింది. ఇప్పటి వరకు 13,316 శాంపిల్స్‌ను పరీక్షించినట్లు వైద్యులు తెలిపారు.

03/19/2020 - 13:16

ముంబయి: రిలయన్స్ గ్రూప్ చైర్మన్ అనిల్ అంబానీ ముంబయిలోని ఎన్‌ఫోర్స్‌మెంట్ డైరెక్టరేట్ (ఈడీ) కార్యాలయానికి ఈరోజు ఉదయం చేరుకున్నారు. యెస్ బ్యాంకుకు సంబంధించిన మనీలాండరింగ్ కేసులో అనిల్ అంబానీని అధికారులు ప్రశ్నించనున్నారు. మనీలాండరింగ్ దర్యాప్తునకు సంబంధించి యెస్ బ్యాంక్ ప్రమోటర్ రానా కపూర్‌తో పాటు రిలయన్స్ గ్రూప్ చైర్మన్ అనిల్ అంబానీకి గతంలో ఎన్‌ఫోర్స్‌మెంట్ డైరెక్టరేట్ సమన్లు ​​జారీ చేసింది.

03/19/2020 - 12:56

న్యూడిల్లీ: మాజీ చీఫ్ జ‌స్టిస్ రంజ‌న్ గొగోయ్ రాజ్య‌స‌భ ఎంపీగా ప్ర‌మాణ స్వీకారం చేశారు. గొగోయ్ ప్ర‌మాణ‌స్వీకారం చేస్తున్న స‌మ‌యంలో కొంద‌రు విప‌క్ష ఎంపీలు స‌భ నుంచి వాకౌట్ చేశారు. గొగోయ్ ప్ర‌మాణ స్వీకార స‌మ‌యంలో విప‌క్షాలు వాకౌట్ చేయ‌డం స‌రైందికాద‌ని కేంద్ర మంత్రి ర‌విశంక‌ర్ ప్ర‌సాద్ అన్నారు.

03/19/2020 - 12:42

న్యూడిల్లీ: కర్నాటకలో కరోనా వ్యాధితో 76 ఏళ్ళ వ్యక్తి మృతి చెందాడు. కర్నాటక రాష్ట్ర ముఖ్యమంత్రి బీఎస్ యెడియూరప్ప కరోనా వ్యాధి నివారణకు రూ. 200 కోట్లు విడుదల చేశారు. కర్నాటకలో బుధవారం మరో ఇద్దరకి కరోనా సోకినట్లు వైద్యులు నిర్ధారించారు. దీంతో ఆ రాష్ట్రంలో ఈ వ్యాధి సోకిన వారి సంఖ్య 13కు చేరింది.

03/19/2020 - 12:28

న్యూడిల్లీ:కరోనా ప్రభావంతో ప్రజలు తమ ప్రయాణాలను వాయిదా వేసుకుంటుండగా, ఇదివరకే రైలు టిక్కెట్లు బుక్‌ చేసుకున్న వాటిని రద్దు చేసుకుంటున్నారు. దీంతో రైళ్లలో ప్రయాణీకుల సంఖ్య గణనీయంగా తగ్గిపోయింది. దీనిని పరిగణలోకి తీసుకున్న దక్షిణ రైల్వే ఈ నెలాఖరులోపు నడిచే పలు రైళ్లు రద్దు చేసింది.

03/19/2020 - 12:24

హైదరాబాద్‌: దేశంలో కరోనా వైరస్ వ్యాప్తి చెందుతున్న నేపథ్యంలో శంషాబాద్‌ విమానాశ్రయం గురువారం నిర్మానుష్యంగా మారింది. అంతేకాక పలు ఎయిర్‌లైన్‌ సర్వీసులు కూడా రద్దవడంతో రాకపోకలు స్థంభించాయి. మరోవైపు విదేశాల నుంచి వస్తున్న వారిని నేరుగా వారి లగేజ్‌తో సహా ఐసోలేషన్‌ వార్డులకు తీసుకెళ్తున్నారు.

03/19/2020 - 12:16

న్యూడిల్లీ: నిర్భ‌య రేప్ కేసు నిందితుడు ప‌వ‌న్ గుప్తా వేసిన క్యూరేటివ్ పిటిష‌న్‌ను సుప్రీంకోర్టు కొట్టిపారేసింది. తాను బాల్య నేర‌స్థుడిన‌ని పెట్టుకున్న అభ్య‌ర్థ‌న‌ను కోర్టు తిర‌స్క‌రించింది. 2012 ఢిల్లీ గ్యాంగ్ రేప్ కేసులో.. న‌లుగురు నిందితుల‌కు రేపు ఉరి తీయ‌నున్నారు. తాజా తీర్పు ప‌ట్ల నిర్భ‌య త‌ల్లి ఆశాదేవి స్పందించారు. రేపు క‌చ్చితంగా నిర్భ‌య‌కు న్యాయం జ‌రుగుతుంద‌ని ఆమె తెలిపారు.

03/19/2020 - 06:09

న్యూఢిల్లీ: లడఖ్‌లోని ఓ సైనికుడికి కరోనా పాజిటీవ్ రావడంతో కేంద్రం అప్రమత్తమైంది. లడఖ్‌లో ‘స్నో వారియర్స్’గా పిలిచే స్కౌట్స్ ఇన్‌ఫెంటరీ రిజిమెంట్‌కు చెందిన 34 ఏళ్ల జవానుకు వైరస్ సోకిందన్న వార్త పారామిలటరీ దళాల్లో కలకలం రేపింది.

Pages