మెగాస్టార్ చిరంజీవి నటించబోయే 150వ సినిమా సెట్స్‌పైకి వెళ్ళేందుకు రంగం సిద్ధం అయిపోయింది. మెగా అభిమానులంతా ఎప్పుడెప్పుడా అని ఎదురుచూస్తున్న సినిమా ప్రస్తుతం ప్రీ ప్రొడక్షన్ కార్యక్రమాలన్నింటినీ పూర్తిచేసుకుంది. జూన్ 6న సినిమాను సెట్స్‌పైకి తీసుకెళ్ళనున్నట్లు టీమ్ ప్రకటించింది.

జైనీ క్రియేషన్స్, ఓమ్ నమో భగవతే వాసుదేవాయ ఫిలింస్ పతాకంపై శ్యాంకుమార్, పావని జంటగా ప్రభాకర్ జైనీ దర్శకత్వంలో విజయలక్ష్మి జైనీ రూపొందించిన చిత్రం క్యాంపస్ అంపశయ్య. ఈ చిత్రానికి సంబంధించిన విశేషాలను దర్శకుడు ప్రభాకర్ జైనీ వివరిస్తూ, 1969లో నవీన్ రాసిన అంపశయ్య నవల ఆధారంగా ఈ సినిమాను తెరకెక్కించామని, కథలో ఆత్మ, విలువలు వున్నాయని తెలిపారు.

తెలుగులో టాప్ హీరోయిన్లలో ఒకరుగా కొనసాగుతోన్న తమన్నా, తాజాగా ‘ఊపిరి’తో సూపర్‌హిట్ కొట్టి తన స్థాయిని మరింత పెంచుకున్న విషయం తెలిసిందే. ఇక ఆమె తన కెరీర్‌లో మొట్టమొదటిసారిగా ‘అభినేత్రి’ అనే ఓ లేడీ ఓరియంటెడ్ హారర్ సినిమా చేస్తున్నారు. తెలుగు, తమిళ భాషల్లో ఏకకాలంలో తెరకెక్కుతోన్న ఈ సినిమాను ప్రభుదేవా నిర్మిస్తుండగా, తెలుగు వర్షన్‌కు ప్రముఖ సినీ రచయిత కోన వెంకట్ నిర్మాతగా వ్యవహరిస్తున్నారు.

నాగచైతన్య కథానాయకుడిగా గౌతమ్ వాసుదేవమీనన్ దర్శకత్వంలో ద్వారకా క్రియేషన్స్ పతాకంపై మిర్యాల రవీందర్‌రెడ్డి రూపొందిస్తున్న చిత్రం ‘సాహసం శ్వాసగా సాగిపో’. ఈ చిత్రానికి సంబంధించిన పాటల మేకింగ్ వీడియోను ఇటీవల విడుదల చేశారు. మూడో పాటగా ఇప్పుడు చెకోరిని 26న సోషల్ మీడియాలో దర్శకుడు విడుదల చేయనున్నారు. అదేరోజు నాగచైతన్య, కోనవెంకట్ ట్విట్టర్‌లో విడుదల చేస్తారు.