విజయవాడ: ఎపిలో తొలిసారిగా ఇంటర్మీడియట్ ప్రథమ, ద్వితీయ సంవత్సరం పరీక్షా ఫలితాలను ఒకేరోజు విడుదల చేశారు. మంగళవారం ఉదయం ఇక్కడ ఎపి మానవ వనరుల శాఖామంత్రి గంటా శ్రీనివాసరావు ఫలితాలను విడుదల చేసి అత్యధిక మార్కులు సాధించిన వారిని అభినందించారు. ప్రథమ, ద్వితీయ సంవత్సరం ఫలితాల్లో బాలికలే ఉత్తీర్ణతా శాతంలో టాప్‌గా నిలిచారు.

విజయవాడ, ఏప్రిల్ 18: గ్రామ వికాసం నుంచి భారత వికాస పథకంలో భాగంగా గిరిజన మహిళా గ్రామ పంచాయతీ సర్పంచుల జాతీయ సదస్సు మంగళవారం విజయవాడలో జరుగనుంది. ఐదవ షెడ్యూల్‌లో పేర్కొన్న హిమాచల్‌ప్రదేశ్, గుజరాత్, రాజస్థాన్, మహారాష్ట్ర, చత్తీస్‌గఢ్, మధ్యప్రదేశ్, ఒడిశా, ఝార్ఖండ్, ఆంధ్రప్రదేశ్, తెలంగాణ రాష్ట్రాల నుంచి వెయ్యి మంది సర్పంచులు ఈ సదస్సుకు హాజరు కానున్నారు.

తిరుపతి, ఏప్రిల్ 18: తిరుపతిలోని సంస్కృత విద్యాపీఠంలో సుదీర్ఘకాలం పనిచేస్తూ విశేష అనుభవాన్ని గడించిన వ్యాకరణ విభాగం అధిపతి ఆచార్య శ్రీపాద సత్యనారాయణ మూర్తిని ఇన్‌చార్జ్ విసిగా నియమిస్తూ కేంద్ర మానవ వనరుల శాఖ సోమవారం ఉత్తర్వులు జారీ చేసింది. ఇప్పటి వరకు ఆ స్థానంలో ఉన్న ఆచార్య హరేకృష్ణ శతపతి నుంచి ఆయన బాధ్యతలు స్వీకరించారు.

హైదరాబాద్, ఏప్రిల్ 18: ఆంధ్రప్రదేశ్ నూతన రాజధాని అమరావతి నిర్మాణానికి సంబంధించిన క్యాపిటల్ సిటీ ఆర్కిటెక్చరల్ సలహా కమిటీని నియమిస్తూ ఎపి ప్రభుత్వం ఉత్తర్వులు జారీ చేసింది. కమిటీకి చైర్మన్‌గా ప్రొ.క్రిష్ట్ఫోర్ బెన్నింగర్, సభ్యులుగా డాక్టర్ ఎర్విన్ వైరే, కేశవ్ వర్మ, ప్రొ.కె.టి.రవీంద్రన్, ప్రొ.సుహ ఓజ్‌కాన్, రాజీవ్ సేథిలను నియమించింది.