విజయవాడ, ఏప్రిల్ 18: జూలైలో వర్షాలు కురిసే అవకాశం ఉన్నందున ఎలాంటి పరిస్థితుల్లోనూ జూన్ నెలాఖరులోగా కృష్ణా పుష్కరాలకు సంబంధించిన పనులను పూర్తిచేయాలని ముఖ్యమంత్రి నారా చంద్రబాబు నాయుడు ఆదేశించారు. ఇందుకోసం రెగ్యులర్ పనులను ఎక్కడా ఆపకుండా కొనసాగిస్తూనే పుష్కర పనులు గడువులోగా పూర్తయ్యేలా పనుల్లో వేగం పెంచాలంటూ జలవనరులు, మున్సిపల్ శాఖలకు సూచించారు.

కడప/కర్నూలు/అనంతపురం, ఏప్రిల్ 18: రాయలసీమలో భానుడి భగభగలు తగ్గటం లేదు. కడప నగరంలో 44.02 డిగ్రీల ఉష్ణోగ్రత నమోదైంది. జిల్లాలోని పలు ప్రాంతాల్లో 43 డిగ్రీల ఉష్ణోగ్రత నమోదయింది. అనంతపురంలో 41.1 డిగ్రీల ఉష్ణోగ్రత నమోదయింది. కర్నూలు నగరంలో 43 డిగ్రీలుగా నమోదయింది. కడప, అనంతపురం జిల్లాల్లో సోమవారం వడదెబ్బకు ఆరుగురు మృతిచెందారు.

రాజాం, ఏప్రిల్ 18: శ్రీకాకుళం జిల్లా రాజాం మండలం గురవాం గ్రామంలో సోమవారం ఉదయం ఓ ఇంట్లో బాణసంచా పేలడంతో ఇద్దరు మృతి చెందారు. తొమ్మిదిమందికి గాయాలయ్యాయి. వీరిలో నలుగురి పరిస్థితి విషమంగా ఉంది. వివరాలు ఇలా ఉన్నాయి. గ్రామానికి చెందిన పాలవలస చంద్రరావు, పాలవలస పోతయ్య, పాలవలస విజయకుమార్ గత కొంతకాలంగా ఇంట్లో అక్రమంగా బాణసంచా తయారుచేస్తున్నారు.

హైదరాబాద్: గోదావరి, కృష్ణా జలాలను అనుసంధానం చేస్తూ ఎపి ప్రభుత్వం నిర్మించిన పట్టిసీమ ప్రాజెక్టుపై దాఖలైన ఓ పిటిషన్‌ను హైకోర్టు సోమవారం తిరస్కరించింది. టెండర్ల ప్రక్రియలో అవకతవకలు జరిగాయంటూ ప్రాజెక్టు పూర్తయ్యాక కోర్టుకు రావడం ఎందుకని న్యాయస్థానం పిటిషనర్‌ను ప్రశ్నించింది.