S ,7 à 8 RSCA (si SASPAS) et 6 cialis pharmacie cialis rapports de stage.

బాల భూమి

05/22/2018 - 02:10

కంటి నుండి బాధ కలిగినప్పుడు దుఃఖం సంభవించినప్పుడు వచ్చే నీటిని కన్నీరంటారు. మున్నీరంటే సముద్రపునీరు. ఈ రెంటి నీటి లోపలా ఒకే గుణమున్నది. కన్నీటిలోను ఉప్పు ఉంటుంది. మున్నీటిలో ఉప్పు ఉంటుంది. అయితే మున్నీరు అపార పరీవారము అంటే ఎక్కువ ‘‘ ఆమె తన భర్త చనిపోతే కన్నీరుమున్నీరుగా ఏడ్చింది’’ అని అంటే ఎక్కువగా దుఃఖించిందని, ఎడతెరపి లేకుండా దుఃఖించిందని అర్థము.
కంకణము కట్టుకొను:

05/22/2018 - 02:08

చిన్న పిల్లలు ఆడుకునే ఆట. ముఖ్యంగా ఆడపిల్లలు ఆడుతుంటారు. మగపిల్లలు కూడా ఆడుతుంటారు. కాని మగపిల్లలు ఈ ఆట పట్ల అంత ఆసక్తి కనబరుచరు.
ఆడపిల్లలు కాళ్లకు గజ్జెలు లేదా పట్టీలు పెట్టుకొంటారు. వారంతా ఐదారుగురు ఒక చోట చేరి కాళ్లు చాపి కూర్చుంటారు. వీరిలో పెద్దవారు లేకుంటా వరుస క్రమంలో అందరి కాళ్లను తడుతూ అంటే తాకుతూ
కాళ్ల గజ్జె కంకాళమ్మ
వేగుచుక్కా వెలగాపండు

05/22/2018 - 02:07

గబగబా మనమూ ఎదిగేద్దాం
ఎదుగుతు పనులూ చేసేద్దాం
విరివిగా ఆటలు ఆడేద్దాం
సొగసుగ పాటలు పాడేద్దాం!

విద్యలు ఎన్నో నేరుద్దాం
విలువల నెపుడూ పాటిద్దాం!
ఉన్నత లక్ష్యం చేరేద్దాం
ఉజ్వల భవితను పొందేద్దాం!

అమ్మా నాన్నను గెలిపిద్దాం
అడిగినవిచ్చి పూజిద్దాం
అందరి మెప్పు పొందేద్దాం
ఆనందంగా బ్రతికేద్దాం!

05/13/2018 - 13:33

అదొక గ్రామం. దాని పేరు బ్రహ్మపురి. పల్లెలు పట్టుగొమ్మలు దేశానికి అన్న ఒక మహానుభావుని పలుకులు బంగారు గుళికలు. నిజంగా పల్లెటూరి వాతావరణం చెప్పుకోవలసింది. నగరాలు విడచి పల్లెకి ఒకసారి వచ్చిన వారు తిరిగి పట్నాలకి వెళ్లలేరు అనటంలో అతిశయోక్తి లేదు. చల్లని ప్రకృతి. చక్కటి గాలి. పచ్చని పొలాలు. సెలయేళ్లు. ఎతె్తైన కొండలు. వాటిని తాకుతున్న నల్లని మేఘాలు.

05/13/2018 - 13:27

మంచిమాట
========
కొండను కదిలించాలన్న ఆలోచన సరే,
ముందు కొన్ని చిన్నరాళ్ళను
పైకెత్తే ప్రయత్నం చెయ్యి.

*

పొడుపు కథ
========
చీకటి పడకముందే
ఇంటికి చేరాలనే తొందరేం లేదు
రాత్రయినా, పగలయినా
చేత దీపం పట్టుకుని తిరుగుతుంది- ఏమిటది?

జవాబు:
మిణుగురు

05/13/2018 - 13:22

తెలుగు సామెతలు
-----------------
* అయితే ఆవలి ఒడ్డు .. కాకుంటే ఈవలి ఒడ్డు
* కొత్తలు లేకున్నా వెంట్రుకలకు
అత్తరు నూనె పెట్టుకున్నట్లు
* ఒక్క చెయ్యి తట్టితే చప్పుడగునా?
* కుండ మోయనోడు బండ మోయపోయినట్లు
* కానుగ నీడ.. కన్నతల్లి నీడ
* తాడు చాలదని బావి పూడ్చినట్టు
* రంగారెడ్డి జిల్లాకు అంగూరు పండ్లు
అమ్మబోయినట్లు

05/13/2018 - 13:20

జీవితానికి పరమావధి..
-----------------------------
నీతులు నీడనివ్వవు..!
సామెతలు సంపదలను ఇవ్వవు..!!
ఆణిముత్యాలు ఆకలి తీర్చవు..!
సుభాషితాలు సుఖాలనివ్వవు..!!
మంచిమాటలు మరణాన్ని ఆపవు..!
సూక్తులు సుగుణాలనివ్వవు..!!
కొటేషన్లు కోర్కెలు తీర్చవు..!
శ్లోకాలు స్థోమతలను ఇవ్వవు..!!
ప్రవచనాలు ప్రపంచాన్ని మార్చవు..!

05/13/2018 - 13:19

బురుకూ బురికీలు
----------------------
బురుకూ బురికీలు ఓహో
ఎక్కడ దొరికీలు
ముద్దూ పెట్టేవారికి చిట్టీ
బరుకూ బరికీలు ॥ బురుకూ ॥

ఉక్కా ఉంగేలు నోటా
ఊరూ చొంగల్లు
ఎక్కడికక్కడె ఉరకలు వేసే
చెంగు చెంగీలు ॥ బురుకూ ॥

గుప్పీ గుప్పిళ్ళూ మూసీ
విప్పీ దొప్పల్లూ
ఎప్పటికప్పుడె వత్తులు వత్తీ
లడ్డూ బరిఫీలు ॥ బురుకూ ॥

05/13/2018 - 13:15

సుమతీ శతకం
==========
ఉత్తమ గుణముల నీచున
కెత్తుఱఁగున గలుగనేర్చు నెయ్యెదలన్ దా
నెత్తిచ్చి కఱఁగి పోసిన
నిత్తడి బంగారమగునె యిలలొ సుమతీ!

తాత్పర్యం: అల్పబుద్ధి గలవానికి ఏ విధంగా సాయం చేసినా మంచి బుద్ధి రాదు, ఇత్తడికి సమానంగా బంగారాన్ని తీసుకుని ఎంత కరిగించి పోసినా- అది బంగారానికి సాటిరాదు. అలాగే నీచుడు కూడా.

05/13/2018 - 13:13

చెండు అంటే బంతి. దీనిని పాత గుడ్డలతో తయారు చేసుకొంటారు. చెండులాగా తయారైన ఈ బంతితో ఆడుతారు కనుక దీనిని చెండాట అంటారు. కాని ఈ కాలంలో బంతులు రబ్బర్ బాల్, కార్క్ బాల్, లేక పుట్‌బాల్ అని, వాలీబాల్ అని, ఫ్లాస్టిక్ బాల్ ఇలా రకరకాలు బాల్స్ అంటే బంతులు వచ్చి ఈ ఆట మరుగున పడిపోయింది. కాని ఇప్పుడున్న బాల్ లేక బంతులతో ఆ చెండాటను ఆడితే లేనిపోనీ ప్రమాదాలు ఏర్పడుతాయి.

Pages