‘మీరెవరు’ అని ఎవరైనా అడిగితే చాలామంది తాను డాక్టర్‌నని, ఇంజనీర్‌నని, అధికారినని, వ్యాపారవేత్తనని చెబుతారు. జీవితంలో ఎంతో కొంత విజయం సాధించిన వ్యక్తులకి ఇలా చెప్పుకునే పరిస్థితి వుంటుంది. అలా లేని వ్యక్తులు చాలామంది వుంటారు. అలాంటి వ్యక్తులు ఎలాంటి జవాబు చెప్పకుండా తటపటాయిస్తారు. జీవితంలో ఓడిపోకపోయినా కొన్ని ప్రత్యేక పరిస్థితుల్లో మామూలు వ్యక్తిగా వుండే పరిస్థితి ఏర్పడి వుండవచ్చు.

పొగడ్తని చాలామంది ఇష్టపడ్తారు. పొగడ్తకి ప్రశంసకి భేదం ఉంది. తెలివైన వ్యక్తులు పొగడ్తని ఇష్టపడరు. కానీ ప్రశంసని ఇష్టపడ్తారు. ప్రశంసని ఇష్టపడని వ్యక్తులు ఎవరూ ఉండరు. అందరూ ప్రశంసని కోరుకుంటారు కానీ, ఇతరులని ప్రశంసించటానికి ఇష్టపడరు. ఇది లోకరీతి. కొంతమందికి కొన్ని ప్రత్యేకతలు ఉంటాయి. కొంతమంది చాలా గొప్పగా రాయగలరు. మరి కొంతమంది గొప్పగా పాడగలరు. ఇంకా కొంతమంది మంచి చిత్రాలు గీయగలరు.

వాట్సప్‌లు వచ్చిన తరువాత మన 24 గంటల్లోని ఓ అరగంట కనీసం ఆ వాట్సప్ మెసేజ్‌లను చూడడానికే సరిపోతుంది. ప్రతి కొత్త ఆవిష్కరణల వెనక కొంత మంచీ చెడు ఎప్పుడూ ఉంటాయి. వాట్సప్‌ల విషయంలోనూ అంతే! దీన్ని సద్వినియోగం చేసుకోవచ్చు. దుర్వినియోగం చేసుకోవచ్చు. దుర్వినియోగం చేసుకుంటున్న వ్యక్తుల సంఖ్యే ఎక్కువగా కన్పిస్తుంది.

స్మార్ట్ ఫోన్లు వచ్చిన తర్వాత సమాచారాలు అందజేసుకోవడం చాలా సులువై పోయింది. అదే విధంగా ఏదైనా విషయం మీద మన అభిప్రాయాలు చెప్పడం, వాటిని అంతర్జాలంలో ప్రచురించడం సాంఘిక మాధ్యమాల్లో ఇంకా సులువై పోయింది. ప్రతి విషయంలో మంచీ చెడూ వున్నట్టు వీటి విషయంలో కూడా అంతే.