రాజ్‌కోట్, మార్చి 11: బెంగాల్‌తో జరుగుతున్న రంజీట్రోఫీ ఫైనల్ మ్యాచ్ల్ సౌరాష్ట్ర జట్టు మూడో రోజు బుధవారం 425 పరుగులు చేసి ఆలౌట్ అయంది. ధరేంద్ర జానీ (33) పరుగులతో అజేయంగా నిలిచినా, చిరాగ్ జానీ (14), ప్రేరక్ మన్కాడ్ 90), కెప్టెన్ జయదేవ్ ఉనాద్కత్ (20) స్వల్ప స్కోర్లకే అవుటయ్యారు. అనంతరం మొదటి ఇన్నింగ్స్‌కు దిగిన బెంగాల్ జట్టు ఆట ముగిసే సమయానికి 3 వికెట్లు కోల్పోయ 134 పరుగులు చేసింది.

న్యూఢిల్లీ, మార్చి 10: కఠిర పరిశ్రమతోనే విజయాలు సాధ్యమవుతాయని భారత బాడ్మింటన్ స్టార్, ప్రపంచ చాంపియన్ పీవీ సింధు స్పష్టం చేసింది. ఇటీవల కాలంలో మహిళలు ఎంతో మంది క్రీడల్లో రాణిస్తున్నారని, భారీ సంఖ్యలో దేశానికి పతకాలు సాధించి పెడతారన్న నమ్మకం తనకు ఉందని ఆమె పేర్కొంది.

అమాన్ (జోర్డాన్), మార్చి 10: ఇక్కడ జరుగుతున్న ఆసియా ఒలింపిక్ క్వాలిఫయర్స్ పోటీపడిన ప్రపంచ నంబర్ వన్ అమిత్ పంఘల్ పురుషుల 52 కిలోమీటర్ల విభాగంలో, లలీనా బొర్గొహైన్ మహిళల 69 కిలోల విభాగంలో కాంస్య పతకాలను కైవసం చేసుకున్నారు. వీరు తమతమ విభాగాల్లో సెమీ ఫైనల్స్ చేరుకున్న వెంటనే టోక్యో ఒలింపిక్స్‌కు అర్హత సంపాదించారు. అయితే, ఇద్దరూ సెమీస్‌లో పరాజయాలను ఎదుర్కొన్నారు.

న్యూఢిల్లీ, మార్చి 10: టోక్యో ఒలింపిక్స్‌లో పతకాన్ని సాధించడమే తమ లక్ష్యమని భారత హాకీ జట్టు కెప్టెన్ మన్దీప్ సింగ్ అన్నాడు. 2019 సంవత్సరానికి ధన్‌రాజ్ పిళ్లే ఫార్వర్డ్ ఆఫ్ ది ఇయర్ అవార్డును ఇటీవల స్వీ కరించిన అతను మంగళవారం పీటీఐతో మాట్లాడుతూ ఒలింపిక్స్‌కు అర్హ త సంపాదించడానికి జట్టు యావత్తు విశేషంగా కృషి చేసిందన్నాడు. సమష్టిగా పోరాడడం వల్లే ఒలింపిక్స్‌కు క్వాలిఫై అయ్యామని అన్నాడు.